ԱՄՆ-ն նախկինի նման կողմ է հայ-թուրքական հարաբերությունների կարգավորմանը: Այդ մասին Վաշինգտոնում ճեպազրույցում հայտարարել է ԱՄՆ Պետդեպարտամենտի պաշտոնական ներկայացուցիչ Ֆիլիպ Քրոուլին: Պատասխանելով այն հարցին, թե որ փուլում են հայ-թուրքական արձանագրությունները, և ինչպես է աշխատում Վաշինգտոնն այս գործընթացում ոչ միայն Երևանի և Անկարայի, այլ նաև Բաքվի հետ, որը դեմ է հայ-թուրքական երկխոսությանը, Քրոուլին ասել է, որ ԱՄՆ պետքարտուղար Հիլարի Քլինթոնը քննարկել է այդ հարցերն անցյալ շաբաթ ՄԱԿ-ում համաշխարհային առաջնորնդերի լայն շրջանակի հետ: