Իրան-Հայաստան ճանապարհային միջանցքի Երևան-Աշտարակ ճանապարհահատվածի շինարարական աշխատանքները կավարտվեն 2012-ի հոկտեմբերին

1 նոյեմբերի 2010 - 14:01 AMT

PanARMENIAN.Net - ՀՀ տրանսպորտի և կապի նախարարությունում նոյեմբերի 1-ին բացվեցին Հյուսիս-հարավ ճանապարհային միջանցքի մաս կազմող` Երևան-Աշտարակ 11.71 կմ երկարությամբ գոյություն ունեցող ճանապարհային հատվածի վերակառուցման համար հայտ ներկայացրած շինարարական կազմակերպությունների մրցութային փաթեթները:

Մրցույթին մասնակցելու հայտեր են վերցրել 13 կազմակերպություններ, բայց փաստաթղթեր ներկայացրել են 3-ը: Վերոնշյալ ճանապարհահատվածի վերակառուցման համար ավստրիական «STRABAG International» ընկերությունը առաջարկել է 51,141 մլն ԱՄՆ դոլար, Ամերիկյան` «Feletechnologies» ընկերությունը` 18,944 մլն ԱՄՆ դոլար և իսպանական «MJGRUAS»-ը` 22,618 դոլար:

Մրցութային հանձնաժողովը կուսումնասիրի և կգնահատի մրցութային փաթեթները, դրանք կներկայացնի Ասիական զարգացման բանկին, որի կողմից հավանություն ստանալուց հետո` կներկայացնի Կառավարման խորհրդի հաստատմանը: Հաշվի առնելով այն հանգամանքը, որ պայմանագրի արժեքը գերազանցում է 1 մլն ԱՄՆ դոլարը` կկայացվի ՀՀ կառավարության որոշում, որից հետո կապալառուի հետ կկնքվի համապատասխան պայմանագիր:

Շինարարական աշխատանքները նախատեսվում է սկսել հաջորդ տարվա գարնանը և ավարտել 2012 թվականի հոկտեմբերի 1-ին: Կապալառուն պետք է վերակառուցի ծածկը, բարելավի ջրահեռացումը, կողնակները և ճանապարհի անվտանգությունը, վերանորոգի Երևան-Աշտարակ ճանապարհի առկա կառույցները: Նախատեսվող աշխատանքները համատեղ կֆինանսավորվեն Ասիական զարգացման բանկի /ԱԶԲ/ և Հայաստանի Հանրապետության կողմից, հաղորդում է նախարարության մամլո ծառայությունը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով