Հայաստանի պետեկամուտների կոմիտեին հանձնարարվել է ապահովել ԵՄ և ԱՀԿ առջև երկրի ունեցած պարտավորությունների կատարումը 2 դեկտեմբերի 2010 - 19:07 AMT PanARMENIAN.Net - Դեկտեմբերի 2-ին Հայաստանի կառավարության նիստում ՀՀ վարչապետ Տիգրան Սարգսյանը Հայաստանի պետեկամուտների կոմիտեին հանձնարարել է ապահովել ԵՄ և ԱՀԿ և այն երկրների առջև երկրի ունեցած պարտավորությունների կատարումը, որոնց հետ կան ազատ առևտրի մասին պայմանագրեր: Այդ մասին հաղորդում է Հայաստանի կառավարության մամլո ծառայությունը: Հանձնարարականի համաձայն, Պետական եկամուտների կոմիտեն պետք է վերահսկի, որպեսզի 2011 թվականի հունվարի 1-ից ծխախոտի համար կիրառվող հաստատագրված վճարների դրույքաչափի կիրառման պարագայում մաքսային արժեքից դրույքաչափերը չպետք է գերազանցեն 15%-ը, ինչը Առևտրի համաշխարհային կազմակերպության կանոնն է: Սարգսյանի խոսքով, լինում են դեպքեր, երբ այդ դրույքաչափը կարող էր լինել 17-18% և այլն։ «Մեր հետազոտությունները վկայում են այն մասին, որ Հայաստանն ի վիճակի է կատարել այդ պահանջը»,- ավելացրել է նա: Բացի դրանից, երկրորդ հանձնարարականը վերաբերում է երկկողմանի ազատ առևտրի համաձայնագրերին։ Խոսքն ալկոհոլային խմիչքների մասին է։ «Մենք պարտավոր ենք նույնպես ապահովել ազատ առևտրի համաձայնագրերով ստանձնված պարտավորություններն ալկոհոլային խմիչքների ներմուծման գծով, և համապատասխան հանձնարարականը տրվում է Պետական եկամուտների կոմիտեին, որ առաջնորդվեն և նախապատվությունը տան ազատ առևտրի համաձայնագրերին։ Կատարելով մեր այդ միջազգային պարտավորությունները` մենք կատարում ենք նաև մեր պարտավորությունը Եվրամիության հանդեպ, ինչը նշանակում է, որ այն համաձայնագրերը, որ մենք կնքել ենք Եվրամիության հետ, այդ թվում նաև` վարկային, գրանտային օժանդակության համաձայնագրերը կմտնեն ուժի մեջ, և մենք որպես պետություն երաշխավորում ենք, որ հունվարի 1-ից այս ռեժիմները կիրառվելու են Հայաստանի Հանրապետությունում»,- ավելացրել է վարչապետը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |