  Դեկտեմբերին Երևանում կկայանա Ջուզեպպե Վերդիի «Աիդա» օպերայի պրեմիերան 9 դեկտեմբերի 2010 - 16:35 AMT PanARMENIAN.Net - Հավանաբար, դեկտեմբերի 20-ին Երևանում օպերային արվեստի սիրահարները կկարողանան վայելել Ջուզեպպե Վերդիի «Աիդա» օպերան: Այդ մասին դեկտեմբերի 9-ին Երևանում կայացած մամլո ասուլիսում հայտարարել է Ա.Սպենդիարյանի անվան օպերայի և բալետի ազգային ակադեմիական թատրոնի տնօրեն Կամո Հովհաննիսյանը: «Ինչպես «Սպարտակի» դեպքում, այս անգամ ևս մենք ռիսկի դիմեցինք: Վերդիի «Աիդան» օպերաների օպերան է և շատ թատրոններ հանձն չեն առնում բեմադրել այն»,-ասել է Հովհաննիսյանը: Ըստ նրա, մինչ տարեվերջ «Աիդան», որի ռեժիսորն իտալացի Մարիո Կորրադին է, կցուցադրվի 3-4 անգամ: «Աիդան» Կորրադիի չափազանց խիտ գրաֆիկի պատճառով փորձել են առավոտից մինչ երեկո, նույնիսկ օգոստոսին, երբ բոլորը հանգստանում են»,-ասել է Հովհաննիսյանը: Նա նշել է, որ «Աիդայի» դեկորացիաները շատ տպավորիչ կլինեն: «Աիդայի» բեմականացման համար բյուջեից հատկացվել է 50 մլն դրամ: Աիդայի պարտիան կկատարեն Մագդա Մկրտչյանը, Լիլիթ Սողոմոնյանը, Աննա Մնացականյանն ու Մարինե Դեինյանը: Ռադամեսի պարտիան պրեմիերայի ժամանակ կկատարի հայտնի երգիչ, Մյունխենի օպերային թատրոնի մենակատար, վրաց տենոր Գեորգի Օնիանին: Այնուհետև այդ պարտիան կկատարեն հայ մենակատարներ Ռուբեն Նուրիջանյանն ու Սարգիս Աղմալյանը:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Երևանում ոստիկանական մեքենան հարվածել է ակցիա լուսաբանող լրագրողին  Ըստ որոշ տեղեկությունների, նա ոտքի վնասվածք է ստացել, ԲԿ–ում էՊատել. ԱՄՆ-ն շարունակում է հավատալ, որ ՀՀ և Ադրբեջանի միջև խաղաղությունը հնարավոր է Նա նաև հավելել է, որ Ալմաթիում տեղի ունեցած բանակցությունների վերաբերյալ այլ թարմացումներ չունիԵրևանում բողոքի ակցիաները վերսկսվել են․ 38 բերման ենթարկված կա Աբովյան փողոցում ոստիկանությունն ուժ է կիրառել և բերման ենթարկել ցույցի մասնակիցներին |
