Տիգրան Սարգսյան. 2011-ը կլինի համառ աշխատանքի տարի

13 հունվարի 2011 - 13:42 AMT

PanARMENIAN.Net - Համաշխարհային ֆինանսատնտեսական ճգնաժամից հետո 2011-ին պարզ դարձավ, որ աշխարհն արդեն չի վերադառնա նախաճգնաժամային տնտեսական մոդելին, սակայն նոր մոդելը դեռ չի պարզաբանվել, և դա լուրջ մարտահրավեր է: Այդ մասին, բացելով կառավարության նիստը, հայտարարել է ՀՀ վարչապետ Տիգրան Սարգսյանը: Նա ուշադրություն է հրավիրել 2010-ի վերջում հայ գործարարների հետ ՀՀ նախագահի հանդիպման վրա, մեջբերելով Սերժ Սարգյանի խոսքերն այն մասին, որ 2011-ը լինելու է համառ աշխատանքի, տնտեսության վերականգնման և դիվերսիֆիկացիայի տարի:

Վարչապետը նաև հավելել է, որ Հայաստանը 2011 է մտնում որոշակի պաշարներով: Մասնավորապես, ֆինանսների նախարարության հետ արդեն ամփոփվել են պետբյուջեի կատարման նախնական արդյունքները. եկամուտների գծով տարեկան ծրագիրը գերակատարվել է 25 մլրդ դրամով, որից 20 մլրդը` հարկային եկամուտների հաշվին, ավելին, հաջողվել է եկամուտների գծով տնտեսել 15 մլրդ դրամ:

«Դա նշանակում է, որ մենք ավելացրել ենք 2011-ի մեր մակրոտնտեսական պաշարները»,- ասել է Տիգրան Սարգսյանը: Նա հավելել է, որ միասնական հաշվի մնացորդը կազմում է 30 մլրդ դրամ, կայունացնող հիմնադրամը` 45 մլրդ դրամ նախատեսված 31 մլրդ դրամի փոխարեն: Դրան գումարվում է 25 մլն դոլարանոց տրանշը, որը նախօրեին հատկացվել է ՀԲ-ի կողմից:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով