Հայաստանի կառավարությունը հաստատել է 2011 թվականի միջոցառումների ծրագիրը

13 հունվարի 2011 - 15:02 AMT

PanARMENIAN.Net - Հայաստանի կառավարությունը հունվարի 13-ին հաստատել է 2011 թվականի միջոցառումների ծրագիրը: «Այդ ծրագիրը համահունչ է նախագահի նախընտրական ծրագրին»,-ասել է վարչապետ Տիգրան Սարգսյանը: Տիգրան Սարգսյանը բարեփոխումների 4 հիմնական բլոկ է առանձնացրել, որոնք առաջնային են լինելու 2011թ.:

Ըստ նրա, առաջին բլոկում կարելի է նշել տնտեսական համակարգի դիվերսիֆիկացումը: «ՀՀ կառավարությունը լուրջ կեսանթոշակային բարեփոխում է նախաձեռնել, որը երկարաժամկետ բնույթ է կրում»: Այս բլոկում է նաև ԱՊՊԱ պայմանագրերի ներդրումը, ինչը թույլ կտա ձևակերպել համապատասխան ինստիտուցիոնալ կառույցներ: Ինչպես ասել է վարչապետը, կառավարության ջանքերն այս տարի կուղղվեն նաև գործարար միջավայրի բարեփոխմանը, մասնավորապես, հարկային ու մաքսային վարչարարության բարեփոխմանը:

Բարեփոխումների երկրորդ բլոկին Տիգրան Սարգսյանը դասել է արդյունաբերության ոլորտը, որտեղ կորոշվեն կոնկրետ խնդիրները յուրաքանչյուր առանձին ճյուղի համար: Արդեն մշակվել է արտահանման համալիր ծրագիր: Այստեղ է ընդգրկված նաև գյուղատնտեսությունը, որը երկրի կառավարության ուշադրության կենտրոնում կլինի:

Կառավարության առջև խնդիր է դրված բարելավել ծառայությունների ոլորտը առողջապահության և կրթության ոլորտներում՝ բարձրացնելով դրանց մատչելիությունն ու նվազեցնելով կոռուպցիոն ռիսկերը: Չորրորդ բլոկում ընդգրկված են դատաիրավական ոլորտի ու ոստիկանության բարեփոխումները: «Այստեղ կան դրական արդյունքներ՝ կրճատվել է ՃՏՊ-ների քանակն ու տուժածների թիվը: Հնգամյա ծրագիրը մեզ հաջողվեց կատարել մեկ տարում»,-ասել է վարչապետը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով