Թուրքիան պետք է հասկանա եվրոպական արժեքներն առնվազն իր իսկ զարգացման համար17 հունվարի 2011 - 21:06 AMT PanARMENIAN.Net - Տարածաշրջանում տևական խաղաղության ու կայունության հաստատումը Հայաստանի գլխավոր նպատակներից է, սակայն, այդ ճանապարհին Հայաստանի հետևողական փորձերը հայտնվում են փակուղում: Ինչպես հաղորդում է ՀՀ նախագահի մամլո գրասենյակը, այդ մասին Հայաստանի նախագահ Սերժ Սարգսյանը հայտնել է` ելույթ ունենալով Կիպրոսի Հանրապետության Ներկայացուցիչների պալատում: Ինչպես նշել է նախագահը, Թուրքիայի հետ հարաբերությունները նույնիսկ փոքր քայլերով հարթելու Հայաստանի անկեղծ առաջարկով սկսված գործընթացն արագ խափանվեց թուրքական կողմի հակասական կեցվածքով, իրարամերժ հայտարարություններով և գործընթացի անհիմն շահարկումներով: «Նախապայմանների պատին դեմ առան մեր և գործընթացում ակտիվորեն ներգրավված մեր գործընկերների ջանքերը: Մենք առավել քան բարոյական և իրավական հիմքեր ունեինք նախապայմաններ առաջ քաշելու։ Բայց մենք ուժ գտանք հաղթահարելու հոգեբանական բոլոր արգելքներն ու առաջ շարժվել»,- ասել է Հայաստանի նախագահը: Սերժ Սարգսյանի խոսքով, այսօր Թուրքիան հավակնում է տարածաշրջանային առաջնորդության, հավակնում է վարել այսպես կոչված «նոր օսմանականության» քաղաքականություն: Սակայն, ինչպես նշել է նախագահը, տարածաշրջանային առաջնորդությունը ենթադրում է պատասխանատու մոտեցում, պատասխանատու մտածելակերպ և ոչ թելադրելու կամ պարտադրելու գործելաոճ: «Ի՞նչ է Օսմանյան կայսրությունը բերել իր լծի տակ գտնվող ժողովուրդներին կոտորածներից, բռնակալությունից, կեղեքումներից բացի: Ո՞վ է հասցրել կարոտել օսմանականությանը, որ որոշ մարդիկ փորձում են ծնել «նոր օսմանականություն»,- հայտնել է Հայաստանի նախագահը: Այս համատեքստում նախագահն անդրադարձել է Թուրքիայի «հարևանների հետ զրո պրոբլեմ» ուղեգծով քաղաքականությանը` նշելով, որ Թուրքիան այդ ուղեգիծն ընկալում է որպես բոլոր հարևանների հնազանդությունն իր կամքին: «Գուցե կան հարևաններ, որոնց համար դա նույնիսկ շահավետ է, բայց վստահորեն մենք դրանց թվին չենք պատկանում»,- ընդգծել է Սերժ Սարգսյանը: Նա հայտարարել է, որ մի երկիր, որը Հայաստանի անկախացումից ի վեր տարբեր պատրվակներով փակել է սահմանը և փորձում է շանտաժի ենթարկել հայ ժողովրդին, չի կարող հավակնել տարածաշրջանային առաջնորդության: Սերժ Սարգսյանի խոսքով` Հայաստանն իրեն համարում է եվրոպական արժեքների կրող և եվրոպական ընտանիքի մաս և իրականացնում է լայնամասշտաբ բարեփոխումներ եվրոպական կառույցների սերտ աջակցությամբ: Մենք առաջինն ենք ցանկանում ունենալ ժողովրդավար և եվրոպական արժեքներին դավանող հարևաններ, հարևաններ, որոնք խնդիրները լուծում են երկխոսությամբ և բանակցություններով և ոչ թե սպառնալիքներով: «Հուսով ենք, որ Թուրքիան կհասկանա և կգնահատի նույն այդ արժեքների կարևորությունն իր իսկ կայուն զարգացման և բարեկեցության համար»,- նկատել է Սերժ Սարգսյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միրզոյանն ու Բայրամովն Ալմաթիում կհանդիպեն մայիսի 10–ին Հանդիպումը կկայանա Ղազախստանի հրավերով, որը հարթակ է տրամադրում Խաժակյան․ 2018-ից ի վեր Բագրատ սրբազանի առաջնորդած շարժումը միակն է, որը խնդիր չի դնում «ոչնչացնել հակառակորդին» Նա հավելել է, որ օրակարգը հանուն է, իսկ առարկայական ծրագիրը, հավանաբար, առաջիկայում կհստակեցվի Թորոսյան. Ուզում են առանց ընտրությունների իշխանություն վերցնել Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանությունների Հայտարարություն․ Բագրատ սրբազանը ներկայացված է միայն Facebook-ում և բացառապես իր անձնական էջով Նշվում է, որ նրա անունից բացվող որևէ էջ կապ չունի ոչ շարժման, ոչ էլ սրբազանի հետ |