ՀՅԴ-ն կոչ է անում վերանայել վրացական պետհամարանիշերով ավտոմեքենաների մասին օրենսդրական փոփոխությունը 8 փետրվարի 2011 - 17:58 AMT PanARMENIAN.Net - ՀՅ Դաշնակցություն խմբակցության պատգամավորները Հայաստանի խորհրդարանին կոչ են անում վերանայել օրենսդրական փոփոխությունը, որի համաձայն Հայաստանում վրացական պետհամարանիշերով ավտոմեքենաներ կարելի է վարել 15 օրից ոչ ավելի: Ինչպես հայտնել է ՀՅԴ-ից պատգամավոր Արա Նռանյանը, ելույթ ունենալով ՀՀ խորհրդարանում, դա Հայաստանի քաղաքացիների համար միայն լրացուցիչ խնդիրներ է առաջացնում: «Նախկինում մենք առաջարկել էինք, որ կառավարությունը վրացական պետհամարանիշերով ավտոմեքենաների վարորդներին ժամանակ տա, որպեսզի նրանք լուծեն այդ խնդիրը»,- ասել է պատգամավորը` խորհրդարանականներին կոչ անելով վերանայել այս օրենսդրական փոփոխությունը: Շիրակ Թորոսյանն իր հերթին հայտնել է, որ ՀՀ վրացական պետհամարանիշերով ավտոմեքենաներ 15 օրից ավելի վարել թույլ չտվող որոշումը լուրջ մտահոգություն է առաջ բերել Ջավախքի հայերի շրջանում: Թորոսյանի խոսքով` նախքան Հայաստանի Մաքսային օրենսգրքում փոփոխությունների ներմուծումը Ջավախքի հայերը կարող էին Հայաստան ժամանել սեփական ավտոմեքենաներով և մնալ երկրում առանց որևէ սահմանափակումների: «Մինչդեռ այժմ ջավախահայերը կարող են Հայաստանում իրենց ավտոմեքենաներով մնալ 15 օրից ոչ ավելի: Անհրաժեշտ է քայլեր ձեռնարկել, որպեսզի այդ որոշումը չտարածվի Ջավախքի հայերի վրա»,- ասել է պատգամավորը: 2010 թվականի վերջին Հայաստանի խորհրդարանը փոփոխություններ և լրացումներ կատարեց երկրի Մաքսային օրենսգրքում: Փոփոխությունների համաձայն, արտասահմանյան պետհամարանիշերով ավտոմեքենաների վարորդներն այդ ավտոմեքենաները կարող են Հայաստանի տարածքում վարել 15 օրից ոչ ավելի: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նա Ոստիկանություն․ Օպերային հարակից փողոցները փակ են լինելու Օպերայում անցկացվելու է EBRD–ի միջազգային ֆորումը Էրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին Հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր Գիշերը բողոքի ակցիայի 5 մասնակից է ձերբակալվել Նրանք, ըստ իրավապաշտպանի, «Տավուշը հանուն հայրենիքի» շարժման ակտիվ աջակիցներ են |