2010-ին պետության կապիտալ ծախսերի 85 տոկոսը բաժին է ընկել Հայաստանի մարզերին

23 մարտի 2011 - 13:18 AMT

PanARMENIAN.Net - 2010-ին պետության կապիտալ ծախսերի 85 տոկոսը բաժին է ընկել մարզերին. 2008-ի մարզերին բաժին ընկած 70 տոկոսի և Երևանին` 30 տոկոսի փոխարեն: Այդ մասին լրագրողներին մարզային զարգացման հայեցակարգի քննարկման ժամանակ հայտարարել է փոխվարչապետ, Հայաստանի տարածքային կառավարման նախարար Արմեն Գևորգյանը: Նրա խոսքերով, այդ կապիտալ ծախսերի մեջ են մտնում ենթակառուցվածքների, ճանապարհների, ոռոգման համակարգերի, բնակարանային շինարարությունը:

Գևորգյանը նաև նշել է, որ նոր հայեցակարգը հնարավորություն կտա առաջին անգամ ստեղծել մարզերի անհամաչափ զարգացումը և պետական միջոցները ծախսելու արդյունավետությունը որոշող մեթոդաբանություն, մեկ այլ կողմից` թույլ կտա երևան հանել մարզերում առկա առաջնային խնդիրները, և միջոցներն ուղղել բյուջեից կամ այլ աղբյուրներից դրանց լուծմանը: «Կարծում եմ, որ հայեցակարգն օգտակար կլինի հաջորդ տարվա բյուջեն ձևավորելիս»,- ասել է նա և հավելել, որ հայեցակարգը մի քանի ամիսների ընթացքում մշակվելու է և ներկայացվելու կառավարությանը: Ինչ վերաբերվում է հայեցակարգի իրականացման ժամկետներին, ապա, փոխվարչապետի խոսքերով, դրանք կախված են լինելու յուրաքանչյուր տարվա ռեսուրսային գնահատականներից:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով