Երևանում կներկայացվի արտահանման առաջին ուղեցույցը23 մարտի 2011 - 15:21 AMT PanARMENIAN.Net - Հայաստանյան գործարարներն այսուհետ կունենան գործնական օժանդակ նյութ՝ արտահանման ուղեցույց: Ուղեցույցը մշակվել է Քաղաքական և իրավական խորհրդատվության հայ-եվրոպական կենտրոնի (AEPLAC) և Եվրոպական միության խորհրդատվական խմբի համատեղ նախաձեռնությամբ` «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի (Հայաստանի ՓՄՁ ԶԱԿ) և Հայաստանի Հանրապետության էկոնոմիկայի նախարարության հետ համագործակցությամբ: Ուղեցույցը հայաստանյան գործարար համայնքին և միջազգային դոնոր կազմակերպություններին կներկայացվի սեմինարի ընթացքում, որը տեղի կունենա 2011թ. մարտի 24-ին: Արտահանման ուղեցույցը ներկայացնում է Հայաստանի ներքին ընթացակարգերը, որոնց հետևում են ձեռնարկատերերը` մինչ իրենց ապրանքների արտահանումը երկրից: Նյութը նախապատրաստվել է ՀՀ օրենսդրության և երկրում առկա գործարարության փորձի հիման վրա` ներառելով արտահանմանն ուղղված անհրաժեշտ գործողությունների քայլ առ քայլ կազմակերպման վերաբերյալ առաջարկություններ: Ուղեցույցը ուսումնասիրում է արտահանման գործընթացն ընդհանուր գծերով, ներկայացնում է ընդհանուր տեղեկություններ ապրանքների արտահանման գործընթացի և պահանջվող փաստաթղթերի վերաբերյալ, ըստ հերթականության նշում արտահանման համար անհրաժեշտ քայլերը և ծանոթացնում է օտարերկրյա գործընկերների կողմից Հայաստանին տրամադրած արտոնյալ ռեժիմների ու Հայաստանի` արտաքին առևտրային գործընկերների հետ կնքած համաձայնագրերը: Ուղեցույցի յուրաքանչյուր մասը կարելի է դիտարկել առանձին, իսկ որպես ամբողջություն` նյութը ներկայացնում է արտահանման համակարգի ընդհանրական պատկերը: Հավելվածի տեսքով այստեղ ներառված են նաև դիմումի հայտաձևեր և գործընթացի տարբեր փուլերում ընդգրկված կառույցների ու տեղեկատվություն պատկան մարմինների վերաբերյալ: Այն կունենա նաև առցանց տարբերակ, որը կտեղադրվի Հայաստանի ՓՄՁ ԶԱԿ-ի պաշտոնական կայքում: Առցանց տարբերակը պարբերաբար կթարմացվի Հայաստանի ՓՄՁ ԶԱԿ-ի կողմից` հաշվի առնելով արտահանման գործընթացի վրա ազդող օրենսդրական և այլ փոփոխությունները: Այս ուղեցույցը ստեղծվել է ԱԵՊԼԱԿ-ի և ԵՄ ԽԽ-ի փորձագետների կողմից, Եվրոպական միության ֆինանսական օժանդակությամբ` հաշվի առնելով Հայաստանի ՓՄՁ ԶԱԿ-ի, ՀՀ Էկոնոմիկայի նախարարության, Պետական եկամուտների կոմիտեի ու Միջազգային ֆինանսական կորպորացիայի փորձագետների նկատառումները, հաղորդում է AEPLAC մամլո ծառայությունը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում Ռուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձում |