Հայաստանի ոռոգման համակարգի վերականգնումը պահանջում է 1.5 մլրդ դրամի ներդումներ

5 ապրիլի 2011 - 12:22 AMT

PanARMENIAN.Net - Հայաստանի 17 հազար կմ երկարությամբ ոռոգման համակարգի վերակառուցման համար, որի հաշվին ոռոգվում է 130 հազար հա, անհրաժեշտ են 1.5 մլրդ դրամի ներդումներ: Այդ մասին ապրիլի 5-ին մամլո ասուլիսում հաղորդել է ՀՀ Տարածքային կառավարման նախարարության Ջրային տնտեսության պետական կոմիտեի ԾԻԳ-ի տնօրեն Ադիբեկ Ղազարյանը: Նրա խոսքերով, ոռոգման համակարգը խորհրդային ժամանակներից չի ենթարկվել լիովին կապիտալ վերանորոգման, իսկ վերջին 15 տարում ամբողջությամբ վերանորոգվել է միայն 1000 կմ հատվածը պետբյուջեի միջոցների և միջազգային կառույցների աջակցության հաշվին:

Անդրադառնալով գարնանային շրջանում համակարգի պատրաստվածության հարցերին` Ղազարյանը նշել է, որ սեզոնի սկզբին համակարգի պատրաստվածությունը կազմում է ավելի քան 90 տոկոս:

Իր հերթին, «Վաղարշապատ» ջրօգտագործող ընկերության գործադիր տնօրեն Սուրիկ Սեդրակյանը նշել է , որ արդեն մարտի 6-10-ից Հայաստանի Արմավիրի մարզի գյուղացիները ստանում են ոռոգման ջուր հաստատված ժամանակացույցի համաձայն: Միաժամանակ, նա հավելել է, որ ոռոգման ջրի մատակարարման համակարգում վերջին տարիներին նկատվում են զգալի դրական փոփոխություններ և «կոնկրետ մենք այն անջատելու հետ կապված խնդիրներ չունենք»:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով