  Այսօր լրանում է աշխարհահռչակ ամերիկյան դերասան Գրեգորի Փեկի ծննդյան 95-ամյակը 5 ապրիլի 2011 - 12:40 AMT PanARMENIAN.Net - Այսօր լրանում է աշխարհահռչակ ամերիկյան դերասան Գրեգորի Փեկի ծննդյան 95-ամյակը: Նա ծնվել է 1916-ի ապրիլի 5-ին Լա Հոյա քաղաքում` Սան Դիեգոյի մոտ (ԱՄՆ, Կալիֆորնիա նահանգ) դեղագործի ընտանիքում: Մայրը լքել է հորը, երբ Փեկը եղել է ընդամենը երեք տարեկան: Նրա հայրական պապն ունեցել է հայկական արմատներ և գաղթել է Անգլիայից: Գրեգորի Փեկը պատանի հասակում հայերեն է սովորել: Փեկի հայրը կաթոլիկ էր, և մայրը նույնպես ամուսնությունից հետո կաթոլիկ է դարձել: Գրեգորի Փեկին դաստիարակել է տատիկը` Քեյթ Էյերսը: «Փառքի օրեր» ֆիլմում նրա առաջին դերից հետո (1944) նա «գտնում է» իր հերոսին: Դրական կերպարի ամպլուան, որը վարակում է իր հավատով և լավատեսությամբ, ավելի քան սազում էր նրան: Երկար տարիների ընթացքում այդ իմիջն անփոփոխ էր մնում: 1945-ին նա խաղացել է իր առաջին գլխավոր դերը երկրորդ ֆիլմում` «Թագավորության բանալիները»: 1947-1952թթ. Փեկի անունը վստահ մտնում է ամերկյան կինոյի ամենահայտնի դերասանների տասնյակի մեջ: Նա 50 տարվա ընթացքում նկարահանվել է ավելի քան 50 ֆիլմերում, մի քանի անգամ առաջադրվել է «Օսկարի», բայց միայն մեկ անգամ է ստացել բաղձալի արձանիկը «Սպանել ծաղրասայրակին» կինոնկարի համար, որում նա խաղացել է փաստաբան Ատտիկուս Ֆինչի դերը: 1965-ին դարձել է Արվեստների ազգային խորհրդի անդամ, մի քանի տարի զբաղեցրել է Ամերիկյան կինոակադեմիայի նախագահի պաշտոնը` պատիվ, որին քչերն են արժանանում: Գրեգորի Փեկը վախճանվել է իր տանը` Լոս Անջելեսում 2003-ի հունիսի 12-ին: Թաղվել է Լոս Անջելեսում Our Queen of Angels տաճարի դամբարանում:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
