«Էրեբունի» թանգարանում բացվել է «Ժառանգությունը և ջուրը» ցուցահանդեսը16 ապրիլի 2011 - 16:25 AMT PanARMENIAN.Net - Ապրիլի 16-ին «Էրեբունի» պատմահնագիտական արգելոց-թանգարանում բացվեց «Ժառանգությունը և ջուրը» խորագրով ցուցահանդես: Բացման խոսքով հանդես եկան թանգարանի տնօրեն Գագիկ Գյուրջյանը, Հայաստանի ճարտարապետների միության նախագահ Մկրտիչ Մինասյանը, ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը, ՀՀ ԳԱԱ Գրականության ինստիտուտի տնօրեն Ավիկ Իսահակյանը, Հովհ. Շարամբեյանի անվ. Ժողովրդական արվեստի թանգարանի տնօրեն Հովիկ Հովեյանը: Պավել Ավետիսյանը PanARMENIAN.Net ի թղթակցի հետ զրույցում նշեց, որ ջուրը բացի կենսատու ուժից, եղել է նաև պաշտամունքի աղբյուր Հայկական լեռնաշխարհում: Դրա մասին են վկայում հնագիտական բազմաթիվ նմուշներ, ինչպես նաև հնագույն առասպելները: Ցուցահանդեսում ընդգրկված են 11 պաստառներ, որտեղ պատկերված է այն ամենը, ինչ ստեղծել է մարդը ջրի պաշտամունքի և ընդհանրապես ջրի հետ կապված` կամուրջներ, լաստանավեր, վիշապ-կոթողներ: Բացի թեմատիկ պաստառներից, ներկայացված են նաև ուրարտական ժամանակաշրջանի քարե և կավե ջրատար խողովակներ, ռիտոններ, թասեր, կավանոթներ և այլն: Ցուցահանդեսին համընթաց ներկայացվում է նաև «Կովկասի ջրերը» էլեկտրոնային- թվային ցուցահանդեսը, որի հեղինակն է լրագրող Գալուստ Նանյանը: Ցուցահանդեսը կազմակերպվել է «Էրեբունի» պատմահնագիտական արգելոց-թանգարանի և Հուշարձանների և տեսարժան վայրերի միջազգային խորհրդի (ԻԿՕՄՕՍ) հայաստանյան գրասենյակի կողմից և կշարունակվի մինչև մայիսի 10-ը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |