Թբիլիսիում շարունակվում է շախմատի Եվրոպայի կանանց առաջնությունը: 5-րդ տուրում Էլինա Դանիելյանը, որը զբաղեցնում էր 2-րդ տեղը, իր առաջին պարտությունն է կրել` զիջելով առաջատար Վիկտորիա Սմիլիտեին (Լիտվա): Այդ պարտությունից հետո Դանիելյանը 3.5 միավորով իջել է 13-րդ տեղը:

Մելիա Սալոմեի նկատմամբ սև խաղաքարերով վստահ հաղթանակ է տարել Լիլիթ Գալոյանը և բարձրացել 10-րդ հորիզոնական: Կրկին խաղալով սև խաղաքարերով` Անահիտ Խառատյանը հաղթել է թուրք շախմատիստուհի Օսթյուրք Կուբրային:

Մարիա Գևորգյանը միավորները կիսել է Աննա Շարևիչի հետ (Բելառուս):

Լիլիթ Մկրտչյանը, Լիա Մարտիրոսյանը, Նելլի Աղինյանը, Աննա Հայրապետյանը և Սիրանուշ Ղուկասյանը պարտություն են կրել: