«ԱՐՄԵՆԱԼ»-ի արտադրության ծավալները կաճեն 7 տոկոսով

12 մայիսի 2011 - 11:22 AMT

PanARMENIAN.Net - Ընթացիկ տարվա հունվար-մարտ ամիսների ընթացքում փայլաթիթեղագլանման «ԱՐՄԵՆԱԼ» գործարանը, որը մտնում է աշխարհում ալյումինի և կավահողի խոշորագույն արտադրող UC RUSAL-ի կազմի մեջ, թողարկեց 6610 տոննա արտադրանք, որը 8,7% գերազանցում է անցյալ տարվա առաջին եռամսյակի մակարդակը և հանդիսանում է ձեռնարկության 11-ամյա աշխատանքի ողջ ընթացքում ամենաբարձր ցուցանիշը: Տոննաներով արտահայտված փայլաթիթեղի արտահանման ծավալն առաջին եռամսյակում աճեց 7,7%` հասնելով 5867 տոննայի, իսկ դրամական արտահայտությամբ` 20,5%` հասնելով 20,44 մլն ԱՄՆ դոլարի: Այսպիսով «ԱՐՄԵՆԱԼ»-ի բաժինը Հայաստանի արտահանման մեջ հասավ 8,22%, ինչը 0,46% ավելի է, քան 2010 թ. արդյունքները:

Ինչպես վկայում են կառավարությանն առընթեր պետեկամուտների կոմիտեի տվյալները, գործարանը հանդիսանում է պատրաստի արդյունաբերական արտադրանքի խոշորագույն արտահանող, իսկ ներմուծման ծավալով զիջում է միայն բնական գազ, նավթամթերքներ և ավտոմեքենաներ ներմուծող ընկերություններին:

Արտադրության ծավալների և ներմուծման աճն ուղեկցվում է նաև այլ հիմնական ցուցանիշների բարելավմամբ: Այսպես, ներկա տարեսկզբից 5% իջել է մետաղի մշակման նորմատիվ ինքնարժեքը: Այդ նույն ժամանակահատվածում արտադրվող փայլաթիթեղի հաստությունը նվազել է 10%` մինչ 16,62 միկրոնի, իսկ մեկ մարդուն բաժին ընկնող ամսական թողարկումը մերձեցել է 3,5 տոննայի: Պետքական արտադրանքի թողարկման գործակիցը կայունացել է 70%-ի մակարդակում:

2010 թ. առաջին եռամսյակի համեմատությամբ միջին ամսական աշխատավարձը 2011 թ. առաջին եռամսյակի ընթացքում աճել է գրեթե 10% և դարձել է 235 հազար դրամից առավել, որը 2 և ավելի անգամ գերազանցում է Հայաստանում համանման ցուցանիշը:

«ՌՈՒՍԱԼ» ընկերությունը մեր առջև հիմնանպատակ է դրել արտադրության ծավալների 7%-ոց աճը և արտադրանքի որակի բարձրացումը: «ԱՐՄԵՆԱԼ»-ն ունի բոլոր նախադրյալները հասնելու առաջադրված ցուցանիշներին», - հայտարարեց գործարանի գլխավոր տնօրեն Վյաչեսլավ Սինելնիկովը, ասվում է գործարանի մամլո հաղորդագրության մեջ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով