ԱԴՐԲԵՋԱՆՑԻՆԵՐԸ ՊԻԿԵՏԵԼ ԵՆ ԹՈՒՐՔԻԱՅԻ ԴԵՍՊԱՆԱՏՈՒՆԸ

PanARMENIAN.Net - Բաքվում Թուրքիայի դեսպանատան առջեւ երեկ առաջին անգամ բողոքի ցույց է անցկացվել: Ինչպես հաղորդում են Բաքվի ԶԼՄ-ները, Ադրբեջանի Դեմոկրատական եւ այլ ընդդիմադիր կուսակցությունների ներկայացուցիչներն իրենց դժգոհությունն են հայտնել Հեյդար Ալիեւից նրա որդի Իլհամին իշխանության «անօրինական» հանձնման հարցում պաշտոնական Անկարայի դիրքորոշման առնչությամբ: Պիկետի մասնակիցներն ընդունել են բանաձեւ, որում Անկարային կոչ է արվում Ադրբեջանի հետ հարաբերությունները կառուցել ժողովրդավարության սկզբունքների հիման վրա, գնահատական տալ «իշխանության զավթմանն» ու սատարել ժողովրդավարական ընտրություններին Ադրբեջանում: Միեւնույն ժամանակ ցուցարարները վանկարկել են. «Հեյդար` կեղծարար», «Իլհամ, հեռացիր»: Ընդդիմության ներկայացուցիչները պիկետել են նաեւ ԱՄՆ դեսպանատունը` իրենց բողոքը հայտնելով «պաշտոնական Վաշինգտոնի կողմից Ադրբեջանում իշխանության բռնատիրմանը փաստացի աջակցություն ցուցաբերելու դեմ»: Ցույցի բանաձեւում պահանջ է ներկայացվել արդար եւ ժողովրդավարական ընտրություններ անցկացնելու եւ իշխանությունների գործողություններին քաղաքական գնահատական տալու վերաբերյալ:
 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին