 Լույս է տեսել Նիկողայոս Ադոնցի անտիպ աշխատությունը Տիգրան Մեծի մասին 27 մայիսի 2011 - 16:06 AMTPanARMENIAN.Net - Մայիսի 27-ին ՀՀ ԳԱԱ նիստերի դահլիճում տեղի ունեցավ Տիգրան Մեծի գահակալության 2100-ամյակին նվիրված միջազգային գիտաժողովի նյութերի «Տիգրան Մեծ» ժողովածուի շնորհանդեսը: Այն իրենից ներկայացնում է 2005 թ-ի Տիգրան Մեծին նվիրված գիտաժողովի 40 հոդվածների, ինչպես նաև տարբեր ժամանակներում հայերեն, ռուսերեն, անգլերեն, ֆրանսերեն և գերմաներեն լեզուներով գրված հոդվածների ժողովածու: Այնտեղ ամփոփված է արքայի պետական, քաղաքական, զորավարական, դիվանագիտական, քաղաքակրթական ու մշակութային գործունեությունը: Հնագույն հոդվածը գերմանացի գիտնական, Նոբելյան մրցանակի առաջին դափնեկիր Թ. Մոմզենի հոդվածն է` տպագրված 1873 թ-ին «Հերմես» ամսագրում: Բացի դրանից, ժողովածուի մեջ առաջին անամ լույս է տեսել Նիկողայոս Ադոնցի աշխատությունը, որը մինչ այժմ անտիպ էր: Ժողովածուն նվիրված է Տիգրան Մեծի ծննդյան 2150- ամյակին: Շնորհանդեսին ներկա էին ՀՀ մշակույթի նախարար Հասմիկ Պողոսյանը, ակադեմիկոսներ, ինչպես նաև ժողովածուի մեջ ընդգրկված հոդվածների հեղինակները: Ներկաները կարևորեցին հատկապես այն հանգամանքը, որ այն կարող է ծառայել ինչպես գիտնականներին, այնպես էլ ուսանողներին և պատմությամբ հետաքրքրվողներին: Ժողովածուն պարունակում է քարտեզներ, որոնց հեղինակն է պ.գ.դ. Բաբկեն Հարությունյանը, լուսանկարներ և գծագրեր: Գիրքը հրատարակվել է ՀՀ Գիտությունների ազգային ակադեմիայի, Համազգային հայ կրթական և մշակութային միության և Հայ առաքելական եկեղեցու Սբ. Մեսրոպ Մաշտոց դպրատան միջոցներով, 500 օրինակ տպաքանակով: Այն չի վաճառվելու, սակայն տրամադրվելու է գրադարաններին:   4 27.05.11 - Տիգրան Մեծի գահակալության 2100-ամյակին նվիրված միջազգային գիտաժողովի նյութերի «Տիգրան Մեծ» ժողովածուի շնորհանդես      Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
