Տիգրան Դավթյանը վստահ է, որ տնտեսական աճը Հայաստանում 2011թ. նախատեսվածից բարձր կլինի

24 հունիսի 2011 - 13:33 AMT

PanARMENIAN.Net - Հայաստանի էկոնոմիկայի նախարար Տիգրան Դավթյանը վստահ է, որ մինչև տարեվերջ տնտեսական աճը հանրապետությունում կպահպանվի պետբյուջեով նախատեսվածի սահմանում և նույնիսկ մի փոքր կգերազանցի նախանշված ցուցանիշը: «Թե որքանով աճն ավելի բարձր կլինի, կախված է մեր ջանքերից»,-ասել է նա հունիսի 24-ին Երևանում կայացած մամլո ասուլիսում՝ ձեռնպահ մնալով կոնկրետ թվեր հրապարակելուց:

Ինչ վերաբերում է գնաճին, ապա, ըստ նախարարի, մինչև տարեվերջ այն կնվազի: Տիգրան Դավթյանը հավելել է, որ նման կանխատեսում է անում ոչ միայն Հայաստանի կառավարությունը:

2011թ. մայիսին տնտեսական ակտիվության աճը Հայաստանում կազմել է 9,9 տոկոս 2010թ. մայիսի համեմատ: Ինչպես հայտնում է Հայաստանի Ազգային վիճակագրական ծառայությունը, տնտեսական ակտիվության աճը մայիսին ընթացիկ տարվա ապրիլի համեմատ կազմել է 13,7 տոկոս:

Գնաճը 2011թ. մայիսին Հայաստանում կազմել է 9 տոկոս 2010թ. նույն շրջանի համեմատ: Ըստ օպերատիվ տվյալների, մայիսին սպառողական գներն ապրիլի համեմատ չեն փոխվել:

Ըստ պետբյուջեի, ՀՆԱ աճը Հայաստանում 2011թ. համար նախատեսված է 4,6 տոկոսի սահմանում, իսկ գնաճը՝ 4 տոկոսի ((±1,5 տոկոս):

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով