«Չեմ կարծում, որ Բաքուն Երևանի և Բաքվի հետ պատրաստ է խաղաղության ինչ-որ պայմանագրի»,- հայտարարել է ռազմական փորձագետ Արծրուն Հովհաննիսյանը: Նրա խոսքով, Ադրբեջանի հայտարարությունները քաղաքական խաղի հնարքներ են, և առայժմ, բարեբախտաբար, մեզ հաջողվում է հասկանալ նրանց բոլոր դիտավորությունները: «Ալիևյան Ադրբեջանը երբեք չի կարող գնալ խաղաղության պայմանագրի»,- ասել է փորձագետը, հաղորդում է Analitika.at.ua-ն:
Ադրբեջանի ԱԳն ղեկավար Էլմար Մամեդյարովը Մոսկվա կատարած այցի ժամանակ հայտարարել է. «մենք պետք է անցում կատարենք իրավաբանական համաձայնագրի քննարկմանը՝ խաղաղության պայմանագրին: Այն լուրջ ազդանշան կդառնա բանակցությունների եզրափակիչ փուլ դուրս գալու մասին»:
Իր հերթին, ՀՀ ԱԳՆ ղեկավարը ԵԱՀԿ ՄԽ համանախագահների հետ հանդիպման ընթացքում, անդրադառնալով Բաքվի հայտարարությանն առանց հիմնարար սկզբունքների համաձայնության խաղաղության պայմանագիր մշակելու մասին, հայտարարել է, որ դա հակասում է ինչպես բանակցային գործընթացի տրամաբանությանը, այնպես էլ միջնորդների դիրքորոշմանը:
