Իտալացի մասնագետները կշարունակեն համագործակցությունը Շուշիի հետ30 հուլիսի 2011 - 17:32 AMT PanARMENIAN.Net - Շուշիի «Հակոբ Գյուրջյան» քանդակի առաջին միջազգային սիմպոզիումը վերածվեց հայ-իտալական հետագա համագործակցության հարթակի: Իտալիայի տարբերհամալսարաններից Շուշի ժամանած պրոֆեսորներ Ջուզեպպե Ջովաննի Դել Դեբբիոն, Ֆրանչեսկո Ռովիելլոն, Ռոբերտո Ջովանելլին, Լուչիանո Պրետին և Ֆրանչեսկո Գալլոն պատրաստակամություն են հայտնել համագործակցելու Շուշիի քաղաքապետարանի հետ`սեփական փորձն ու գիտելիքը ներդնելու Շուշիի ավերված շինությունների վերականգնման և նոր շինությունների կառուցման գործում: Ըստ ստեղծված պայմանավորվածության` առաջիկայում Շուշիի քաղաքապետարանը պրոֆեսորներին կուղարկի առավել կարևոր շինարարական նախագծերի փաթեթներ` նրանց մասնագիտական խորհուրդն ու առաջարկությունները ստանալու համար: Ֆլորենցիայի գեղարվեստի ակադեմիայի պրոֆեսոր Ռոբերտո Ջովանելլին սիմպոզիումի շրջանակներում հանդես է եկել 17-րդ դարի իտալական գեղանկարչության շուրջ դասախոսությունների ծավալուն շարքով, իսկ նրա դուստրը` Ֆլորենցիայի համալսարանի դասախոս, լեզվաբան Մադալենա Ջովաննելլին Սիմպոզիումի ողջ ընթացքում անցկացրել է իտալերենի բաց դասընթացներ բոլոր ցանկացողների համար: Շուշիի «Հակոբ Գյուրջյան» քանդակի առաջին միջազգային սիմպոզիումը կայացել է հուլիսի 17-28-ը: Իտալացի 15 քանդակագործները սիմպոզիումի շրջանակներում շուշվա կրաքարից կերտեցին ազատ թեմայով քանդակներ, որոնք մեկ տարվա ընթացքում տեղադրվելու են քաղաքի տարբեր մասերում` նպաստելով, նախաձեռնության հեղինակ քանդակագործ Վիգեն Ավետիսի խոսքով, քաղաքի ճարտարապետական ու քաղաքաշինական վերելքին ու արվեստների կենտրոն Շուշիի նախկին համբավի ու կարգավիճակի վերականգմանը: Ստեղծված քանդակներում գերիշխում են խաղաղության, ազատության և պայքարի թեմաները: Սիմպոզիումն անցկացվեց ՀՀ մշակույթի նախարարության, Երևանի քաղաքապետարանի հովանավորությամբ, «Նարեկացի» արվեստի միության անմիջական մասնակցությամբ, Արցախի Հանրապետության մշակույթի և երիտասարդության հարցերի նախարարության, Հայ առաքելական եկեղեցու Արցախի թեմի և Շուշիի քաղաքապետարանի աջակցությամբ: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |