Human Rights Watch. Ադրբեջանի իշխանությունները պետք է ազատ արձակեն քաղբանտարկյալներին

1 սեպտեմբերի 2011 - 19:24 AMT

PanARMENIAN.Net - Human Rights Watch ամերիկյան կազմակերպությունն Ադրբեջանի իշխանություններից պահանջել է ազատ արձակել քաղբանտարկյալներին: «Իշխանությունները պետք է վերջ տան կառավարությանը քննադատողների հետապնդումներին և ազատ արձակեն բանտարկության մեջ գտնվող ակտիվիստներին»,- ասվում է կազմակերպության հաղորդագրության մեջ:

Ինչպես նշում են Human Rights Watch-ի փորձագետները, կեղծված դատական գործերը երկրում քննադատության ձայնը լռեցնել փորձող ադրբեջանական կառավարության քաղաքականության ապացույցն են:

Բոլորովին վերջերս` օգոստոսի վերջին, ադրբեջանական դատարանը երեք տարվա ազատազրկման է դատապարտել մարդու իրավունքների պաշտպաններից մեկին: Ավելին, հակակառավարական շարժման 6 ակտիվիստներ նույնպես ազատազրկման տարբեր ժամկետների են դատապարտվել հակակառավարական ակցիաներին մասնակցելու մասին հոդվածով:

Հղումներ թեմայով.

http://www.hrw.org/home