Ֆինանսական հաշտարարի գրասենյակը բնակչության գրագիտության բարձրացման համար մինչև տարեվերջ կծախսի 30 մլն դրամ

5 սեպտեմբերի 2011 - 12:40 AMT

PanARMENIAN.Net - Արդեն սեպտեմբերի 6-ից մեկնարկում է Հայաստանի ֆինանսական համակարգի հաշտարարի գրասենյակի կրթական ծրագիրը 2011-2012թթ. համար, որի իրագործման համար մինչև ընթացիկ տարվա վերջ ծախսվելու է 30 մլն դրամ: Այդ մասին սեպտեմբերի 5-ին Երևանում մամլո ասուլիսում հաղորդել է Հայաստանի ֆինանսական հաշտարար Փիրուզ Սարգսյանը: «Բնակչության ֆինանսական գրագիտության բարձրացումը մեզ համար 2011-ի գերակայությունն է»,- ասել է նա:

Նրա խոսքով, ծրագրով առանձնացվել են 5 թիրախային խմբեր ինչպես Երևանում, այնպես էլ մարզերում: Թիրախային խմբերն են` ավագ դպրոցի աշակերտներ, երիտասարդություն, ֆինանսական ծառայություններից օգտվող անձինք, տարեցներ, ԱՊՊԱ համակարգի մասնակիցներ:

Մասնավորապես, վաղը գրասենյակի մասնագետները մեկնում են Գորիս քաղաք, որտեղ անցկացնելու են սեմինար ավագ դպրոցի աշակերտների համար: Ինչպես հայտնել է Փիրուզ Սարգսյանը, մինչև 2011-ի վերջ սեմինարներ են կազմակերպվելու 40 դպրոցներում, որոնց մասնակցելու է 3120 դպրոցական:

Նա հաղորդել է, որ կրթական ծրագիրն արժանացել է Հայաստանի կրթության և գիտության նախարարության հավանությանը և իրագործվելու է կրթական կառույցների ղեկավարների ու աշխատանքի և սոցիալական հարցերի նախարարության աջակցությամբ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով