 Երևանյան 5-րդ միջազգային երաժշտական փառատոն. Կրկին հանդես կգա Էշլի Վոսը 17 սեպտեմբերի 2011 - 09:37 AMT PanARMENIAN.Net - Սեպտեմբերի 18-ին Արամ Խաչատրյան համերգասրահում կայանալու է Երևանյան 5-րդ միջազգային երաժշտական փառատոնի երրորդ համերգը: Այս անգամ համերգին մասնակցելու է Հայաստանի պետական ֆիլհարմոնիկ նվագախումբը (գեղարվեստական ղեկավար և գլխավոր դիրիժոր Էդուարդ Թոփչյան) և Մեծ Բրիտանիայից հրավիրված դաշնակահար Էշլի Վոսը: Համերգին հնչելու են Բրամսի Դաշնամուրի կոնցերտ No.1-ը և Շոստակովիչի Սիմֆոնիա No.6-ը: Վոսի այս ելույթը փառատոնի շրջանակներում լինելու է թվով երկրորդը: Gramophone ամսագիրը Էշլի Վոսին բնութագրել է որպես մի արվեստագետի, ով ամեն երաժշտական գործ վերածում է իսկական ոսկու: Վոսը եղել է BBC-ի Նոր սերնդի ծրագրի արտիստ: Նա բրիտանացի միակ դաշնակահարն է, որ հաղթել է Լոնդոնի միջազգային դաշնամուրային մրցույթում: 2000-ին դարձել է հեղինակավոր Leeds Piano Competition-ի եզրափակիչ փուլի մասնակից: Հայտնի փառատոների մասնակից է, որոնց թվում Malboro Music Festival-ը, ուր համագործակցել է Միցուկո Ուչիդայի, Ռիչարդ Գուդիի, Գվարների կվարտետի և Beux Arts Trio-ի անդամների հետ: Մենահամերգներով հանդես է եկել Գերմանիայում, Ֆրանսիայում, Ֆինլանդիայում, Շվեդիայում, Պորտուգալիայում, Իսրայելում, Շվեյցարիայում, ԱՄՆ-ում, Կուբայում և Մեծ Բրիտանիայի կարևորագույն համերգասրահներում, BBC Proms հայտնի համերգաշարում` BBC Philharmonic, BBC Scottish Symphony (2008,2009,2010) և այլ նվագախմբերի հետ: Համագործակցել է CBSO, London Mozart Players, Philharmonia, Bournemouth Symphony, BBC Symphony, BBC NOW, BBC Philharmonic, BBC Scottish Symphony, BBC Concert, Vienna Chamber Orchestra, Orchestre National de Lille և Hong Kong Philharmonic-ի հետ` Սայմըն Ռեթըլի և այլ անվանի դիրիժորների ղեկավարությամբ: Հանդես է եկել ԱՄՆ-ում և Եվրոպայի երկրներում` ջութակահար Սարա Չանգի հետ, հայտնի համերգասրահներում, այդ թվում Ֆիլադելֆիայի Kimmel Center-ում և Նյու Յորքի Carnegie Hall-ում: Վոսը Lincolnshire International Chamber Music Festival-ի գեղարվեստական ղեկավարն է: Դասավանդում է Լոնդոնի Royal College of Music-ում: Երևանյան 5-րդ միջազգային փառատոնի շրջանակներում նա Հայաստանում հանդես է եկել վարպետության դասով:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է  Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիսԲաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրելԿիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել |
