2011-ի երրորդ եռամսյակում Հայաստանում տնտեսական ակտիվության մակարդակը չի փոխվել

17 սեպտեմբերի 2011 - 15:34 AMT

PanARMENIAN.Net - Տնտեսական ակտիվության ինդեքսը նախորդ տարվա նույն եռամսյակի նկատմամբ մնացել է անփոփոխ` կազմելով 99.9%: Տնտեսական ակտիվությունը աճել է արդյունաբերության և առևտրի ոլորտներում: Միևնույն ժամանակ գրանցվել է անկում ծառայությունների ոլորտում: Շինարարությունում ակտիվությունը գրեթե անփոփոխ է:

Արդյունաբերության ոլորտում գրանցվել է միջին աշխատավարձի և հզորությունների փոքր-ինչ անկում, իսկ առևտրի ոլորտում աշխատողների թվաքանակի և աշխատավարձերի աճ, շինարարության և ծառայությունների ոլորտներում նվազել է աշխատողների թվաքանակը:

Գործարար միջավայրի ինդեքսը նախորդ տարվա նույն եռամսյակի համեմատությամբ փոքր-ինչ աճել է (101.1%)` հիմնականում պայմանավորված ծառայությունների ոլորտի պատասխաններով: Այստեղ գործարարները բարձր են գնահատել ենթաճյուղի տնտեսական ներկա վիճակը և գալիք եռամսյակի սպասումները: Տնտեսության մյուս ոլորտներում գրանցվել է գործարար միջավայրի վատթարացում:

Սպառողների վստահության ինդեքսի նախորդ տարվա նույն եռամսյակի նկատմամբ ցուցանիշը շարունակում է աճել` 2011թ. երկրորդ եռամսյակի 101.3%-ից այս եռամսյակ արդեն դառնալով 106.3%, հաղորդում է ՀՀ ԿԲ մամլո ծառայությունը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով