Հայաստանում դեմ չեն, որպեսզի ֆրանսիական ընկերությունները երկրում շատանան 4 հոկտեմբերի 2011 - 14:55 AMT PanARMENIAN.Net - Հայաստանի իշխանությունները պատրաստ են «կանաչ լույս» վառել այն ֆրանսիական ընկերությունների առջև, որոնք ցանկանում են ներդրումներ կատարել հանրապետությունում: Այս մասին հոկտեմբերի 4-ին Հայաստանում Ֆրանսիայի դեսպանատանը Հայ-ֆրանսիական գործարարության ակումբի (ՀՖԳԱ) բացման պաշտոնական արարողության շրջանակում հայտնել է Հայաստանի ԱԳ նախարար Էդվարդ Նալբանդյանը: Նա հաղորդել է, որ դեռևս մի քանի տարի առաջ Հայաստանում ֆրանսիական կապիտալով ընդամենը 70 ընկերություն կար, մինչդեռ այժմ այդ թիվը արդեն կազմում է 155: Ընդ որում, նախարարը հույս է հայտնել, որ հայ-ֆրանսիական հարաբերությունների ընդլայնման շրջանակում այդ թիվը «մոտակա տարիներին կարող է կազմել 400, ինչու չէ նաև 500»: Հայաստանում Ֆրանսիայի դեսպան Անրի Ռենոն իր հերթին կարևորել է, որ գործարարները նման նշանակալից օր են ընտրել Հայ-ֆրանսիական գործարարության ակումբի բացման համար` Հայաստանի անկախության 20-ամյակի տոնակատարություններից հետո և Ֆրանսիայի նախագահ Նիկոլյա Սարկոզիի` Հայաստան կատարելիք այցի նախաշեմին: Դիվանագետը հավելել է, որ Ֆրանսիան Հայաստանում մեծությամբ երկրորդ ներդնողն է Ռուսաստանից հետո, իսկ Եվրոպայի շրջանակում` առաջին: «Գիտեմ, որ այն ընկերությունները, որոնք ժամանակին վճռեցին ներդրումներ կատարել Հայաստանում, չեն ափսոսում, ավելին` կարող են օրինակ ծառայել մյուսների համար»,- ընդգծել է նա: Հայ-ֆրանսիական գործարարության ակումբը ստեղծվել է 2011թ. սեպտեմբերին, Հայաստանում ազգությամբ ֆրանսիացի, հայ և Ֆրանսահայ հիմնադիրների կողմից, ինչպես նաև Հայաստանում Ֆրանսիայի դեսպանատան աջակցությանբ: Հայ-Ֆրանսիական գործարարության ակումբը հանդիսանում է հանդիպման վայր` մասնավորապես Ֆրանսիական մասնակցությամբ ձեռնարկությունների համար: Ակումբում կկազմակերպվեն թեմատիկ հանդիպումներ ու միջոցառումներ, կիրականացվեն զարգացման տարբեր ծրագրեր: Ակումբի առաքելությունն է առաջ տանել, աջակցել ու ամրապնդել ֆրանսիական գործարար համայնքը, առևտրատնտեսական հարաբերությունները, գիտատեխնիկական փոխանակումները Հայաստանի ու Ֆրանսիայի միջև:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով Բագրատ սրբազանը`քաղուժերի հետ առաջիկա հանդիպման մասին․ Ուզում եմ, որ բոլորը ներկա լինեն՝ միասին որոշակի եզրահանգման գանք «Այս ընթացքում մի հատվածի հետ հանդիպել ենք»,–ասել է նա Վարդանյանի ընտանիքի կոչը՝ պահանջել հայ բանտարկյալների ազատումը, եթե Բաքուն ցանկանում է ընդունել COP 29-ը Բաքվի դատարանը 5 ամսով երկարացրել է Վարդանյանի և Արցախի մյուս ղեկավարների կալանքը |