Գործողությունը Լիբիայում մեծ հաջողություն է, գտնում են ՆԱՏՕ-ի պաշտպանության նախարարները 6 հոկտեմբերի 2011 - 09:16 AMT PanARMENIAN.Net - ՆԱՏՕ-ի 28 երկրների պաշտպանության նախարարները որպես մեծ հաջողություն են գնահատում «Միավորված պաշտպան» գործողությունը Լիբիայում, չորեքշաբթի օրը հայտնել է Հյուսիսատլանտյան դաշինքի գլխավոր քարտուղար Անդերս Ֆոգ Ռասմուսսենը: Ինչպես հաղորդում է ՌԻԱ Նովոստին, այս մասին Ռասմուսսենը պատմել է լրագրողներին Բրյուսելում նախարարական հանդիպման առաջին օրվա ավարտին: Նա հայտնել է նաև, որ ՆԱՏՕ-ն «մոտ է Լիբիայում առաքելության ավարտին», և հաղորդել, որ ուրբաթ օրը նախարարները «կքննարկեն գործողությունն ավարտելու հեռանկարները», իսկ այսօրվա նիստում քննարկվել են դրանից քաղած դասերը: Ռասմուսսենը կրկին հայտնել է, որ գործողության ավարտը Լիբիայում կախված է ոչ թե Մուամմար Քադդաֆիին գտնելուց և ոչնչացնելուց, այլ խաղաղ բնակչության անվտանգության ապահովումից: ՆԱՏՕ-ի գլխավոր քարտուղարի խոսքով` ռազմական բլոկը պատրաստ է աջակցություն ցուցաբերել Լիբիայի նոր իշխանություններին պաշտպանության և անվտանգության ոլորտում բարեփոխումների անցկացման գործում, եթե նրանցից նման հարցում ստանա: Փետրվարի կեսին Լիբիայում սկսվեցին բողոքի ցույցերը, որոնց մասնակիցները պահանջում էին 40 տարի իշխող Մուամմար Քադդաֆիի հրաժարականը: Ցույցերը կարճ ժամանակում վերաճեցին ռազմական դիմակայության կառավարական ուժերի և ապստամբների միջև: Վեց ամսվա մարտական գործողությունների արդյունքում Քադդաֆիի վարչակարգի հակառակորդներին հաջողվեց հսկողություն սահմանել Լիբիայի գրեթե ողջ տարածքում: Ռազմական գործողություններում բեկումնային պահը վրա հասավ օգոստոսի երրորդ տասնօրյակում, երբ ընդդիմության ուժերը` ՆԱՏՕ-ի ավիացիայի աջակցությամբ, գրավեցին Լիբիայի մայրաքաղաք Տրիպոլին: Փետրվարին ընդդիմությունը Բենղազիում ձևավորեց Լիբիայի Անցումային ազգային խորհուրդը (ԱԱԽ), որը հայտարարվել է իշխանության միակ լեգիտիմ մարմինը երկրում: ԱԱԽ-ը ճանաչել են մոտ 60 երկրներ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի Վարչապետը կատակել է` կուզեր, որ Հայաստանը 2024–ին դառնա ԵՄ անդամ Մոդերատորը վարչապետին հարցրել է, թե ո՞ր թվականին կցանկանար տեսնել Հայաստանի անդամակցումը Եվրոպական Միությանը |