Վանուշ Խանամիրյանի անունը հավերժ կմնա հայերի սրտերում և հայ արվեստի պատմության մեջ 6 հոկտեմբերի 2011 - 21:32 AMT PanARMENIAN.Net - Հայաստանի նախագահ Սերժ Սարգսյանը հոկտեմբերի 6-ին ցավակցական հեռագիր է հղել Հայաստանի ժողովրդական արտիստ, hայ պարարվեստի երախտավոր Վանուշ Խանամիրյանի մահվան կապակցությամբ: Վանուշ Խանամիրյանի ընտանիքին, հարազատներին ու գործընկերներին, ինչպես նաև նրա բարձր արվեստի բոլոր երկրպագուներին ուղղված հանրապետության ղեկավարի ցավակցական հեռագրում ասվում է. «Վանուշ Խանամիրյանը մեր մշակույթի այն գործիչներից է, ով նշանակալի ներդրում է ունեցել հայ արվեստի զարգացման և այն աշխարհում ճանաչելի դարձնելու գործում: Նրա անզուգական կատարումները բարձր են գնահատվել թե՛ մասնագետների, թե՛ նրանով հիացող հազարավոր հանդիսատեսների կողմից: Նա արժանիորեն վայելում էր մեծ ժողովրդականություն և իր ուրույն ավանդն էր բերում և՛ որպես մշակույթի կազմակերպիչ, և՛ իր հայրենանվեր, քաղաքացիական դիրքորոշմամբ: Վանուշ Խանամիրյանի անունը և վառ կերպարը հավերժ կմնան մեր սրտերում և հայ արվեստի պատմության մեջ»: Հոկտեմբերի 5-ին 84 տարեկան հասակում մահացել է Հայաստանի Հանրապետության ժողովրդական արտիստ Վանուշ Խանամիրյանը: Օգոստոսի սկզբին հայ պարարվեստի լեգենդը սրտանոթային համակարգի լուրջ խնդիրներով տեղափոխվել էր հիվանդանոց, որտեղ բուժման կուրս էր անցել: Խանամիրյանը երկար տարիներ Պարի պետական համույթի մենակատարն էր, այնուհետև` գեղարվեստական ղեկավարը, Հայաստանի պարային արվեստների գործիչների միության նախագահը։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |