Իսպանական Բիլբաո քաղաքում շարունակվում է շախմատի «Մեծ սաղավարտի» շարքի եզրափակիչ մրցաշարը:
8-րդ տուրում հայ գրոսմայստեր Լևոն Արոնյանը հանդիպել է Հիկարու Նակամուրայի (ԱՄՆ) հետ և պարտվել:
Վիշվանաթան Անանդը (Հնդկաստան) և Վասիլի Իվանչուկը (Ուկրաինա) կիսել են միավորները, իսկ Մագնուս Կարլսենը (Նորվեգիա) հաղթել է Ֆրանսիսկո Վալյեհո Պոնսին (Իսպանիա):
Այս տուրից հետո Արոնյանը 8 միավորով իջել է հինգերորդ տեղը: Մրցաշարը շարունակում է գլխավորել Իվանչուկը 14 միավորով: 2-րդ և 3-րդ տեղերը զբաղեցնում են Նակամուրան և Կարլսենը 11 միավորով:
9-րդ տուրում Արոնյանն իր ուժերը կչափի Անանդի, Կարսլենը` Իվանչուկի, իսկ Վալյեհո Պոնսը` Նակամուրայի հետ:
Դեկտեմբերին Արոնյանը Լոնդոնում կմասնակցի միջազգային առաջնության: Հայ շախմատիստի մրցակիցները կլինեն Անանդը, Կարսլենը, Վլադիմիր Կրամնիկը, Նակամուրան, Մայքլ Ադամսը, Նայջել Շորթը, Լյուկ ՄակՇեյնը և Դեյվիդ Հաուելը: