Ներսես Երիցյան. Առաջիկայում կհատկացվեն շուրջ 7,5 մլրդ դրամի արտոնյալ գյուղատնտեսական վարկեր

11 հոկտեմբերի 2011 - 16:47 AMT

PanARMENIAN.Net - Արտոնյալ վարկերի հատկացման երկրորդ փուլն արդեն սկսվել է և այսօրվա դրությամբ առևտրային բանկերի կողմից արդեն հատկացվել է ընդհանուր առմամբ 2,5 մլրդ դրամի վարկ: Այդ մասին PanARMENIAN.Net –ի թղթակցի հետ զրույցում հայտնել է ՀՀ ԿԲ փոխնախագահ Ներսես Երիցյանը: Այդ առնչությամբ նա հավելել է, որ առաջիկա ամիսներին նախատեսվում է շուրջ 7,5 մլրդ դրամի արտոնյալ գյուղատնտեսական վարկեր հատկացնել: Ինչ վերաբերում է պայմաններին, ապա, դրանք նույնն են, ինչ վարկավորման առաջին փուլում:

Իր հերթին «Ակբա Կրեդիտ Ագրիկոլ» բանկի գլխավոր գործադիր տնօրեն Ստեփան Գիշյանը հայտնեց, որ 2011թ. 10 ամիսների արդյունքում բանկը հատկացրել է 33,7 մլրդ դրամի վարկ, ինչն ապահովել է վարկային պորտֆելի աճը գյուղատնտեսության ոլորտում 30 տոկոսով: Ինչ վերաբերում է վարկերի մատչելիությանը, ապա այստեղ բանկի նախագահը խնդիր չի տեսնում: «Այսօրվա դրությամբ գյուղատնտեսական վարկերը մատչելի են, ռեսուրսներ կան, մենք պատրաստ ենք ակտիվ վարկավորման»,-ասել է նա:

Հատկացվող արտոնյալ գյուղատնտեսական վարկերի առավելագույն չափը 3 մլն դրամ է, տոկոսադրույքը՝ տարեկան 14 տոկոս (4-6 տոկոսը կկազմեն պետական սուբսիդիաները) 6-ամսյա արտոնյալ ժամկետով, 2 տարի մարման ժամկետով:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով