 «Նաիրի» կինոթատրոնը նորից գործում է. Այնտեղ կցուցադրվեն հայկական և խորհրդային դասական ֆիլմեր  12 հոկտեմբերի 2011 - 22:11 AMTPanARMENIAN.Net - Հոկտեմբերի 12-ին վերագործարկվեց «Նաիրի» կինոթատրոնը։ Կինոթատրոնի վերաբացումը Հայաստանի ազգային կինոկենտրոնի նախաձեռնությունն է` «Օրանժ Արմենիա» ընկերության և ՀՀ մշակույթի նախարարության աջակցությամբ։ Կինոթատրոնում ամեն օր կլինի 6 սեանս, որոնցից երեքի` առավոտյան սեանսների ժամանակ ցուցադրվելու են անիմացիաներ, խաղարկային ֆիլմեր և հայկական դասական ֆիլմեր դպրոցականների և մանուկների համար, իսկ մյուս երեքի` ցերեկային սեանսների ժամանակ` խորհրդային և արտասահմանյան դասական ֆիլմեր, կրկին հայկական ֆիլմեր և նոր ֆիլմեր։ 231 նստատեղ ունեցող «Նաիրի» կինոթատրոնի դահլիճը վարձակալում է Հայաստանի ազգային կինոկենտրոնը։ Կինոկենտրոնի մամլո քարտուղար Ռուզաննա Բագրատունյանը տեղեկացրեց PanARMENIAN.Net ի թղթակցին, որ առավոտյան սեանսները անվճար են դպրոցականների համար աբոնենտային պայմաններով, որն աջակցում է ՀՀ կրթության և գիտության նախարարությունը, իսկ երեկոյան սեանսները 500-ից 1000 դրամ են լինելու։ Ռուզաննա Բագրատունյանի խոսքով` կինոթատրոնում սարսափ, մարտաֆիլմ և նմանատիպ այլ ժանրերի ֆիլմեր չեն ցուցադրվելու։ «Նաիրի» կինոթատրոնի բացմանը ողջույնի խոսքով հանդես եկավ ազգային կինոկենտրոնի տնօրեն Գևորգ Գևորգյանը։ «Նաիրին կաշխատի այնպես, ինչպես նախկինում է եղել, այն կդառնա քաղաքի սիրելի կինոթատրոնը։ Կինոթատրոնի միջոցով մեր քաղաքը կդառնա առավել մշակութային։ Մեր նպատակն է այն դարձնել կինոմշակութային կենտրոն, որտեղ յուրաքանչյուրը կկարողանա դիտել, շփվել կինոյի վարպետների աշխատանքներին»,- ասաց նա։ Բացմանը ներկա էին նաև «Օրանժ Արմենիա» ընկերության գործադիր տնօրեն Բրունո Դյութուան, ՀՀ մշակույթի փոխնախարար Արթուր Պողոսյանը։ «Նաիրի» կինոթատրոնն ունի նաև Facebook-յան խումբ, որտեղ կարելի է ծանոթանալ ցուցադրումների օրակարգին։ «Նաիրի»-ն Երևանի ամենահին կինոթատրոնն է, որը 1920-50-ականթվականներին գտնվել է Ամիրյան փողոցում։ Կինոթատրոնն ունեցել է փակ և բաց` ամառային դահլիճ, որտեղ ցուցադրվել է հայկական առաջին ֆիլմը` «Զարե»-ն։ 1952 – 1954 թվականներին կինոթատրոնը տեղափոխվել է Մաշտոցի պողոտայի և Իսահակյան փողոցի խաչմերուկում Ալ. Թամանյանի (այնուհետև նրա որդի Գ. Թամանյանի) նախագծով կառուցված նոր շենք։
  Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում  Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելունՌուբեն Վարդանյանը, ընտանիքի հորդորով, դադարեցրել է հացադուլը Կարճ զրույցում ընտանիքը նրան տեղեկացրել է Ադրբեջանի վրա ամբողջ աշխարհից տարբեր պաշտոնյաների աճող ճնշումների մասինԵվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետՀայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները |
