«Ոսկե շերեփ» փառատոնի արդյունքում ստեղծվեց Հայ խոհարարների համահայկական ընկերակցություն15 հոկտեմբերի 2011 - 12:12 AMT PanARMENIAN.Net - Հոկտեմբերի 14-ին Հայ-ֆրանսիական մասնագիտական ուսումնական կենտրոնում ՀՀ սփյուռքի նախարարության, «Հայ խոհարարական ավանդույթների զարգացման և պահպանման» հասարակական կազմակերպության և «Հայ-ֆրանսիական մասնագիտական ուսումնական կենտրոն» հիմնադրամի նախաձեռնությամբ կազմակերպվեց «Ոսկե շերեփ» հայկական ճաշատեսակների փառատոն: Փառատոնի նպատակը հայկական ավանդական խոհանոցի պահպանումն ու տարածումն է, Սփյուռքում գործող հայկական խոհարարական դպրոցների և խոհարարների մասնագիտական հմտությունների փոխադարձ ճանաչումը և փոխանակումը, համահայկական խոհարարական ընկերակցության ստեղծումը: Խոհարարական մրցույթին մասնակցեցին վարպետ խոհարարներ ԱՄՆ-ից, Ռուսաստանի Դաշնությունից, Մեծ Բրիտանիայից, Իրանից, Լիբանանից և Հայաստանից: Խոհարարները պատրաստեցին աղցան, տոլմա, գառան մսից կերակրատեսակ և ազատ ընտրությամբ մեկ կերակրատեսակ: Ութ հոգուց բաղկացած մրցութային հանձնաժողովը մրցութային աշխատանքները գնահատում էր` տեղյակ չլինելով, թե որ մասնակիցն է այն պատրաստել: Աշխատանքները ներկայացնելու համար մասնակից խոհարարներին տրվեց 60 րոպե` տեղում դրանք պատրաստելու, ձևավորելու և ներկայացնելու համար: Մրցութային հանձնաժողովի կողմից մրցույթի արդյունքներն ամփոփելուց հետո բացարձակ հաղթող ճանաչված մասնակցին, ինչպես նաև չորս անվանակարգերում առաջին, երկրորդ և երրորդ տեղերը զբաղեցրած մասակիցներին հուշանվերներ հանձնեցին ՀՀ սփյուռքի նախարար Հրանուշ Հակոբյանը և «Հայ խոհարարական ավանդույթների զարգացման և պահպանման» հասարակական կազմակերպության նախագահ Սեդրակ Մամուլյանը: Փառատոնի մասնակիցները «Կոնգրես» հյուրանոցում մասնակցեցին Հայ խոհարարների համահայկական համաժողովին, որի արդյունքում ստեղծվեց «Հայ խոհարարների համահայկական ընկերակցություն»: Համաժողովում քննարկվեցին և հաստատվեցին Հայ խոհարարների համահայկական ընկերակցության կանոնադրությունը, ձևավորվեցին ընկերակցության կառուցվածքային ստորաբաժանումներն ու համապատասխան կազմը, ընդունվեց համաժողովի ուղերձ-հայտարարությունը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |