Ազատ առևտրի գոտու մասին պայմանագիրը հայ արտադրողների և ներկրողների համար նոր պայմաններ կստեղծի ծխախոտի շուկայում27 հոկտեմբերի 2011 - 17:37 AMT PanARMENIAN.Net - «Ֆիլիպ Մորիս Արմենիա» ընկերությունը ողջունում է ծխախոտի ինչպես տեղական արտադրողների, այնպես էլ ներկրողների համար գործունեության հավասար պայմանների ստեղծման` հայկական իշխանությունների ջանքերը: Այդ մասին լրագրողներին «Ֆիլիպ Մորիս Իժորա» ՓԲԸ (ՌԴ Լենինգրադյան երկրամաս) գործարանում մամլո տուրի շրջանակում հաղորդել է «Ֆիլիպ Մորիս Արմենիայի» կորպորատիվ կապերի պատասխանատու Ահարոն Թադևոսյանը: Դեռևս 2010 թվականին Հայաստանում ընդունվել է օրենք, որի համաձայն երկրի կառավարությունը տեղական արտադրողների և ներկրողների համար հարկային դրույքաչափերի աստիճանական հավասարեցման է գնում, այդ գործընթացը կավարտվի 2014-ին: «Քառամյա հարկային պլանը բիզնեսին երկարաժամկետ կանխատեսելիություն կապահովի, իսկ պետբյուջեի համար` եկամուտներ»,- ընդգծել է նա: Հարկ է նշել, որ փոխվում է նաև ծխախոտային արտադրանքի ոլորտի հարկման ողջ կառուցվածքը, մասնավորապես` նախատեսվում է ծխախոտի արտադրությունը ֆիքսված վճարների համակարգից տեղափոխել հարկման ընդհանուր համակարգ` գործող ֆիքսված վճարներից առանձնացնելով ավելացված արժեքը, մաքսային վճարներն ու ակցիզային հարկը, վերջինիս մասով սահմանել միասնական դրույքաչափ երկրում արտադրվող և ներկրվող ծխախոտի համար: Այս համատեքստում ընկերության ներկայացուցիչը հավելել է, որ այդ քայլերը Հայաստանին, որը 2003-ից ԱՀԿ անդամ է, թույլ կտան մի կողմից կատարել իր պարտավորություններն այդ միջազգային կազմակերպության առջև, մյուս կողմից` հավասար մրցակցային պայմաններ կստեղծի այդ շուկայում` ինչպես տեղական արտադրողների, այնպես էլ ներկրողների համար, «ինչը լիովին ողջունվում է մեր կողմից»: Բացի դրանից, արդեն 2014 թվականին Հայաստանի միացումը ԱՊՀ շրջանակում ազատ առևտրի գոտու մասին պայմանագրին լիովին կաշխատի, ինչը նույնպես իր հերթին հավասարեցնում է խաղացողների պայմանները, առավել ևս, որ երկրում արտադրողների հանդեպ բավական խիստ տեխնիկական պահանջներ են գործում:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Փարաքարի ղեկավարը հրաժարական է տվել «Ապրելու երկիրը» հայտարարել է, որ նախաձեռնել էր նրա իմպիչմենտի գործընթաց Ոսկեպարի Սբ Աստվածածին եկեղեցու տանիքածածկերը կնորոգվեն Կհայտարարվի աշխատանքների իրականացման մրցույթ Սիմոնյան․ Առաջիկայում նախատեսվում էր Իրանի նախագահի այցը ՀՀ «Դա մեզ համար շատ կարևոր էր»,- նշել է նա Բագրատ սրաբազան․ Մայիսի 26–ի հանրահավաքում կտրվեն շատ հարցերի պատասխաններ՝ այս իշխանությունը պետք է գնա Նա հավելել է, որ մայիսի 26-ին և դրան հաջորդող օրերին անպայմանորեն իրագործելու են |