2011 թվականի տասը ամսում շնորհվել է 259 գիտական կոչում 31 հոկտեմբերի 2011 - 18:29 AMT PanARMENIAN.Net - ՀՀ կրթության և գիտության նախարարությունում այսօր հրավիրված մամուլի ասուլիսում ԿԳՆ բարձրագույն որակավորման հանձնաժողովի նախագահ Արտուշ Ղուկասյանը լրագրողներին ներկայացրել է ԲՈՀ-ի մասնագիտական խորհուրդների կազմավորման կարգը և գիտական պարբերականներին ներկայացվող նոր պահանջները: Անդրադառնալով կատարված աշխատանքներին` Արտուշ Ղուկասյանը նշել է, որ 2011-ին տեղի է ունեցել մասնագիտական խորհուրդների խոշորացում: Ամենակարևոր ձեռքբերումը ԲՈՀ-ի նախագահի դիտարկմամբ մասնագիտական խորհուրդների ինտերնետային կայքերի ստեղծումն է եղել, որտեղ զետեղվում են պաշտպանության հետ կապված բոլոր փաստաթղթերը և ատենախոսության սեղմագրերը, որով ապահովվում է լիարժեք հրապարակայնություն: 2011 թվականի տասը ամիսներին շնորհվել է 259 գիտական կոչում, այդ թվում` 51 պրոֆեսորի և 208 դոցենտի: Նույն ժամանակահատվածում համապատասխանեցում է կատարվել օտարերկրյա պետություններում գիտական աստիճան ստացած 17 քաղաքացիների, որոնցից 15-ը՝ ՌԴ-ից, մեկը`՝ Շվեդիայից ևս մեկը՝ Լեհաստանից: Արտերկրում պաշտպանածների ցուցանիշը այս տարի նվազել է ` 2010 –ին այդ ցուցանիշը 26 է եղել: Ղուկասյանը տեղեկացրել է , որ ԲՈՀ-ի կողմից 39 աշխատանք բեկանվել է և ուղարկվել կրկնակի քննարկման: Անդրադառնալով գիտական հոդվածների հրապարակման խնդրին` բանախոսը տեղեկացրել է , որ 2012 թվականի հունվարից ԲՈՀ-ը կկիրառի գիտական հրատարակություններին ներկայացվող նոր` խիստ և հստակ պահանջներ: «Գիտական պարբերականները այսուհետ պետք է հրատարակվեն միայն գիտական կենտրոնների և կազմակերպությունների գիտական խորհուրդների որոշմամբ և երեշխավորությամբ: Սա կարևոր սահմանափակում է: Համոզված եմ, որ դրա արդյունքում գիտական պարբերականների թիվը որոշակիորեն կնվազի»,- նշել է Ղուկասյանը և հավելել, որ պարբերականի խմագրական խորհրդում պետք է ներառված լինեն գիտական կոչում ունեցող գիտնականներ:  Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով  Նա հավելել է, որ ԱՄՆ–ն սատարում է վրաց ժողովրդինՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալՍամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրություններիՄիրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |
