ԱՄՆ-ն վախենում է Իրանի ռազմական հզորությունից, քանի որ ի զորու չէ մրցելու ոչ Իսրայելի, ոչ Արևմուտքի հետ: Այդ մասին հայտարարել է Իրանի նախագահ Մահմուդ Ահմադինեժադը երկուշաբթի օրը եգիպտական լրատվամիջոցներին տված հարցազրույցում:
Ի պատասխան ԱՄՆ ու Իսրայելի կողմից Թեհրանի հանդեպ դիրքորոշման կոշտացման, Ահմադինեժադը մեդարել է Վաշինգտոնին դավադրություն սարքելու մեջ, որի նպատակն էր հեղինակազրկել Ւրանն ու թշնամանք սերմանել մերձավոր հարևան Սաուդյան Արաբիայի հետ: «Այո, մենք ունենք ռազմական հնարավորություններ, որոնք տարբերում են մեզ տարածաշրջանի մյուս երկրներից: Մենք կարող ենք մրցակցել Իսրայելի ու Արևմուտքի հետ, հատկապես ԱՄՆ-ի հետ: ԱՄՆ-ն վախենում է Իրանի ռազմական հզորությունից: Իրանը թույլ չի տա իր դեմ ուղղված որոշումներ կայացնել»,-ասել է Իրանի նախագահը:
Ահմադինեժադը հերթական անգամ հայտարարեց, որ Իրանը միջուկային ռումբ չունի, սակայն հավելել է, որ Իսրայելի վերջն անխուսափելի է:
«ԱՄՆ-ն Իրանը, Սիրիան, ինչպես նաև «Համաս»-ն ու «Հեզբոլլահ»-ն է համարում չարիքի առանցքը, պահպանելու համար սիոնիստական կազմավորումը»,-ասել է Իրանի նախագահը:
