 Վենիամին Սմեխով. Այսօրվա լրագրողները «գարշելի» ԽՍՀՄ-ի միջակ լրագրողի չափ էլ չկան  14 նոյեմբերի 2011 - 18:28 AMTPanARMENIAN.Net - Հայտնի ռուս դերասան Վենիամին Սմեխովը, ով առավել հայտնի է կինոսերներին «Դարտանյանը և 3 հրացանակիրները» ֆիլմում Ատոսի դերով, դժգոհ է ժամանակակից լրագրողներից: «Ամբողջ աշխարհում ընկել է լրագրողների որակը: Ռուսաստանը բացառություն չէ: Այսօրվա լրագրողները «գարշելի» ԽՍՀՄ-ի միջակ լրագրողի չափ էլ չկան: Նրանք ամեն կերպ փորձում են բանալու անցքից տեսնել, թե ինչ ես անում, հարց տալուց էլ միայն հետաքրքրվում են, թե ում հետ ես քնում», լրագրողների հետ զրույցում շեշտեց Սմեխովը: Նա նաև կարծում է, որ այսօր լրագրողներից շատերին պակասում է բարեացկամությունը և շեշտը դրվում է փնովելու վրա: Վենիամին Սմեխովը ծնվել է 1940 թ-ին Մոսկվայում: Խաղացել է Շչուկինի անվան թատերական ուսումնարանի, «Սովրեմեննիկ» և «Տագանկա» թատրոններում: Նկարահանվել է մոտ 30 ֆիլմերում և ունի 5 տասնյակից ավելի դերեր թատրոնում: ԱՄՆ-ում դասավանդում է դերասանի վարպետություն: Ռուսաստանում և այլ երկրներում բեմադրում է դրամատիկական և օպերային ներկայացումներ: Դերասանին մեծ համբավ է բերել «Դարտանյանը և 3 հրացանակիրները» ֆիլմում մարմնավորած Ատոսի դերը: Դերասանը Հայաստանում է «Ռուսական մշակույթի սեզոններ» ծրագրի շրջանակներում: Պաշտոնական այցով Սմեխովը Հայաստան է եկել 2007 թ-ին` ռուս այլ արվեստագետների հետ ստեղծագործող հայ երիտասարդության հանդիպման շրջանակներում և 2008 թ-ին` « Ռուսական մշակույթի սեզոններ» ի մեկնարկային ծրագրով:  Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
