Հայաստանի ԿԲ նախագահը Մոսկվայում կմասնակցի Միջպետական բանկի խորհրդի նիստին

25 նոյեմբերի 2011 - 17:06 AMT

PanARMENIAN.Net - Հայաստանի Կենտրոնական բանկի նախագահ Արթուր Ջավադյանը նոյեմբերի 25-ին Մոսկվայում կմասնակցի Միջպետական բանկի խորհրդի հերթական նիստին:

Ինչպես հաղորդում է ԿԲ հասարակայնության հետ կապերի ծառայությունը, նիստին քննարկվելու են Միջպետական բանկի 2010 թ. գործունեության հաշվետվության, տարեկան ֆինանսական հաշվետվության, 2011 թ. 9 ամիսների ընթացքում բանկի գործունեության, 2012 թ. բյուջեի հաստատման, բանկի տարեկան աուդիտի իրականացման նպատակով ընկերության ընտրության հարցերը:

Մոսկվա կատարելիք այցի շրջանակում Արթուր Ջավադյանը հանդիպելու է նաև ՌԴ կենտրոնական բանկի նախագահ Սերգեյ Իգնատևի հետ:

Միջպետական բանկը միջազգային ֆինանսական կազմակերպություն է, որը հիմնադրվել է 1993 թվականին ԱՊՀ տասը երկրների կողմից: Բանկի աշխատանքի հիմնական ուղղությունը ֆինանսների ոլորտում ԱՊՀ երկրների համագործակցության ժամանակ ծագող խնդիրների լուծումն է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով