 Դեկտեմբերի 16-ին Հայաստանում մեկնարկում է «Մշակութային խճանկար» ծրագիրը 15 դեկտեմբերի 2011 - 11:31 AMT PanARMENIAN.Net - Դեկտեմբերի 16-ին Հայաստանի երիտասարդական հիմնադրամի երիտասարդական կենտրոնում տեղի կունենա «Եվրասիա» համագործակցություն հիմնադրամի և «Երևանի Երիտասարդական բանկի» աջակցությամբ իրականացվող, «Հայ առաջադեմ երիտասարդություն» ՀԿ-ի «Մշակութային խճանկար» ծրագիրը: Միջոցառմանը ներկա կգտնվեն Հայաստանի ազգային փոքրամասնությունների երիտասարդ ներկայացուցիչները, ովքեր կներկայացնեն իրենց պատմությունը, մշակութային ժառանգությունը, երգն ու պարը, ազգային կերակրատեսակները: Լուսանկարչական ցուցահանդեսի միջոցով ներկաները կծանոթանան համայնքներին: «Մշակութային խճանկար» ծրագիրը նպատակ ունի ցուցահանդեսների, մշակութային միջոցառումների միջոցով հայ երիտասարդներին ծանոթացնել Հայաստանում ապրող ազգային փոքրամասնությունների մշակույթին և ավանդույթներին: Ծրագիրը հայ երիտասարդների շրջանում խթանում է եվրոպական երիտասարդական արժեքները և ներկայացնում Հայաստանի մշակութային բազմազանությունը: Դեկտեմբերի 17-ին «Մշակութային խճանկար» ծրագիրը կհյուրընկալվի Վանաձորում, դեկտեմբերի 18-ին Գյումրիում: Նյութերը կմշակվեն և կտեղադրվեն «Հայ առաջադեմ երիտասարդություն» ՀԿ-ի էլեկտրոնային ռեսուրսներում, ինչի շնորհիվ միջոցառմանը մասնակից կդառնան ավելի քան 10000 երիտասարդներ: Պատրաստվում է նաև հաղորդում ծրագրի մասին, որն էլ կտեղադրվի ՀԿ-ի եվրոպական գործընկերների կայքերում:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
