 Փոխվարչապետն ընդունել է «Սաուր» ընկերության փոխնախագահին 8 փետրվարի 2012 - 17:51 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց «Հայջրմուղկոյուղի» ՓԲ ընկերության պայմանագրային կառավարիչ ֆրանսիական «Սաուր» ընկերության միջազգային հարցերով փոխնախագահ Միշել Ֆուրեին: Կողմերն անդրադարձան վերջին տարիներին իրականացված ծրագրերին, ձեռք բերված արդյունքներին եւ նախանշված նպատակներին: Երկուստեք կարեւորվեցին բնակչությանը մատուցվող ծառայության որակի բարձրացման եւ ջրամատակարարման տեւողության ավելացման խնդիրները, ինչպես նաեւ ներդրումային ծրագրերի ամբողջական եւ որակյալ իրականացումը: Մ. Ֆուրեն ընկերության անունից Հայաստանում գործունեությունը երկարատեւ ժամկետով շարունակելու եւ ընդլայնելու ցանկություն հայտնեց: Փոխվարչապետը նշեց, որ համակարգում գործունեություն են ծավալում երեք օպերատորներ, եւ հայկական կողմը, կարեւորելով ձեւավորված փորձը, նախապատվություն է տալիս պայմանագրային կառավարմանը: Անդրադառնալով «Սաուր» ընկերությանը՝ Ա. Գեւորգյանը նշեց, որ այն արդեն բավական ժամանակ գործում է հայաստանյան շուկայում, ծանոթ է առկա խնդիրներին, եւ ձեւավորվել է արդյունավետ համագործակցության լավ ավանդույթ: Փոխվարչապետը պատրաստակամություն հայտնեց քննարկել ընկերության հետ հետագա համագործակցության հեռանկարները` հաշվի առնելով նաեւ գործընթացում ներգրավված միջազգային ֆինանսական կազմակերպությունների կարծիքները եւ պահպանելով սահմանված ընթացակարգերը, հայտնում է ՏԿՆ հասարակայնության հետ կապերի բաժինը:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Միրզոյանը հուսով է՝ Ալմաթիի բանակցություններում գրավոր կարձանագրվեն Երևանի և Բաքվի պարտավորությունները  Նրա խոսքով ՝ երկկողմ հանձնաժողովները շարունակում են քննարկել սահմանների դելիմիտացիայի մանրամասներըՀՀ-ն ու Հունգարիան տնտեսական գործակցության մասին համաձայնագիր են կնքել Միրզոյանը Բուդապեշտում է պաշտոնական այցովՍիմոնյան. Ռուսական կողմի նամակին պատասխան ուղարկվել է, իմ հայտարարությունների տերն եմ «Ինչ ասել եմ, ճիշտ եմ ասել, նոր բան չեմ ասել, տեղին եմ ասել և նույն բաները պատրաստ եմ այսօր և մշտապես ասել»,–հավելել է նա |
