Հայաստանում եղանակի հնարավոր տաքացում սպասվում է փետրվարի 25-ից հետո16 փետրվարի 2012 - 16:04 AMT PanARMENIAN.Net - Փետրվարի 17-ին տեղումներ են սպասվում Շիրակում, Արագածոտնի և Կոտայքի մարզերում, մնացած շրջաններում կգերակշռի առանց տեղումների եղանակ, 18-ին ` օրվա երկրորդ կեսին, 19-ի գիշերը , և ցերեկը օրվա առաջին կեսին Արարատյան դաշտում և ամբողջ Հայաստանում տեղումները կպահպանվեն: Այսօր լրագրողների հետ հանդիպմանն այս մասին ասաց ՀՀ արտակարգ իրավիճակների նախարարության Հայպետհիդրոմետ ծառայության օդերևութաբանության կենտրոնի պետ Զարուհի Պետրոսյանը: «Արևելյան շրջաններում ` Սյունիքում և Վայոց Ձորում տեղումները կշարունակվեն մինչև 20-ի գիշերը: Փետրվարի 21-ին հանրապետությունում սպասվում է առանց տեղումների եղանակ: Այդ օրը սպասվում է 11-12 աստիճան ցուրտ»,-նշեց Պետրոսյանը: Նա նաև հավելեց, որ եղանակի հնարավոր տաքացում սպասվում է փետրվարի 25-ից հետո: Պետրոսյանի խոսքով, վերջին տարիների ընթացքում ամենացուրտ ձմեռը եղել է 2002թ-ին, երբ օդի ջերմաստիճանը Արարատյան դաշտում գրանցվել է -32,իսկ Երևանում`-28աստիճան ցուրտ, իսկ ամենատաքը եղել է 2010-ին, երբ տեղումներ չեն եղել և եղանակը համեմատ մյուս տարիներին տաք է եղել: 2010- ը մեզ մոտ գրանցվել է որպես անոմալ ձմեռ. «Չնայած այս տարվա առատ տեղումներին ու ցածր ջերմաստիճանին, այս տարվա ձմեռը անոմալ չի համարվում»: ՀՀ բնապահպանաության նախարարի ներքո իրականացվող կլիմայի փոփոխության ծրագրի համակարգող Դիանա Հարությունյանն ասաց, որ ամբողջ աշխարհում տեղի ունեցող եղանակային անոմալ փոփոխությունների պատճառը մարդածին է. «Դրանք արտանետումների, հեղուկ գազի, սինթետիկ գազերի պատճառով են: Մարդը չպետք անցնի սահմանը և չխախտի բնության հավասարակշռությունը: Բնությունն իր հանդեպ ոտնձգություններն անպատիժ չի թողնում»: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |