Լեւոն Մելիք-Շահնազարյան.Իրանի հետ պատերազմի դեպքում կտուժեն բոլորը, այդ թվում նաեւ Հայաստանը 3 ապրիլի 2006 PanARMENIAN.Net - Վերջերս հաճախակի են դարձել մտավախությունները կապված Իրանի դեմ ԱՄՆ հնարավոր հարձակման հետ: Վաշինգտոնից հնչող անթաքույց սպառնալիքները, ինչպես նաեւ Թեհրանի քաղաքականության անզիջողականությունը նպաստում են այդ մտավախության ամրապնդմանը: Հաշվի առնելով Հայաստանի հետ Իրանի հարեւանությունը, այդ երկրների միջեւ ստեղծված բարիդրացիական հարաբերությունները, ինչպես նաեւ բազմամիլիոն ադրբեջանական բնակչության առկայությունն Իրանում, Երեւանն, իհարկե, չի կարող անտարբեր մնալ տարածաշրջանում աճող լարվածության հանդեպ: Այս եւ այլ հարցերին PanARMENIAN.Net-ի թղթակցին է պատասխանել քաղաքագետ Լեւոն Մելիք-Շահնազարյանը: Ինչպիսի՞ն են ձեր կանխատեսումները պատերազմի վերաբերյալ: Կտուժի՞ Հայաստանը Իրան ԱՄՆ հնարավոր ներխուժման դեպքում: Անշուշտ, Երեւանը չի կարող անտարբեր մնալ հասունացող աղետի հանդեպ, սակայն, ցավոք, հնարավորություն չունի ազդելու իրադարձությունների զարգացման վրա: Հայաստանը ՄԱԿ-ի Անվտանգության խորհրդի անդամ չէ եւ, ինչն ավելի կարեւոր է, մեծ քաղաքական կշիռ չունի աշխարհի տերությունների համար: Դա չի նշանակում, թե մենք պետք է լռենք. Իրանը Հայաստանին բարեկամ երկիր է, սակայն իրատեսական չի լինի հույս դնել Երեւանի լուրջ աջակցության վրա: Առավել եւս Ադրբեջանի հետ անավարտ հակամարտության առկայության պայմաններում: Ինչպե՞ս եք կարծում, Իրանի հետ ԱՄՆ-ի պատերազմը անխուսափելի է, թե դեռեւս կան ռեսուրսներ փոխըմբռնման համար: Ռեսուրսներ միշտ կան: Թեեւ հարկ է նշել, որ այս դեպքում առճակատման մեծ ուղի է անցած: Չափազանց շատ ջանք ու միջոցներ է ծախսել Վաշինգտոնը ներկա պայմանները ստեղծելու համար: Փաստորեն ներխուժումը Աֆղանստան, այնտեղ «Թալիբան» իսլամական շարժման մեկուսացումը իշխանությունից, Իրաքի օկուպացիան, ճնշումը Սիրիայի հանդեպ` այս ամենը Իրանի օկուպացման միասնական ռազմակավարական ծրագրի օղակներ են: Իրանի բարձրավանդակը Ասիայի սիրտն է եւ ռազմավարական տեսակետից կարեւոր է ցանկացած պետության համար, որը հավակնում է համաշխարհային տիրապետության: Նշանակություն ունեն նաեւ նավթի, եւ հատկապես գազի հսկայական պաշարները այդ երկրի ընդերքում: Նշված գործոնները նախադրայլներ հանդիսացան Իրանի հանդեպ ճնշումների համար: Այսօր այդ երկիրը, փոքր բացառությամբ, շրջափակման մեջ է: Ոչ թե թշնամական ժողովրդների, ոչ, հարեւանները պատճառ չունեն ատելու համար Իրանը եւ իրանցիներին, այլ Վաշինգտոնի դրածո` ոչ բարեկամական կառավարությունների կողմից: Այսօր Իրանը չունի բարի կամեցող հարեւաններ, բացառությամբ Հայաստանի, Սիրիայի եւ Թուրքմենստանի, իսկ նրանց հնարավորությունները սահմանափակ են: Բուն Ամերիկայում հսկայական քարոզչական աշխատանք է տարվել, եւ այժմ շատ բազում ամերիկացիներ համոզված են, որ Իրանը համաշխարհային ահաբերկչության հովանովոր է: Ի՞սկ Ադրբեջանը: Չէ որ պաշտոնական Բաքուն մի քանի անգամ հստակ հայտարարել է, որ ոչ մի դեպքում թույլ չի տա օգտագործել իր տարածքը որպես Իրանի վրա հարձակվելու հարթակ: Ադրբեջանը Իրանի թշանմին է 1918 թվականից` առաջացման պահից ի վեր: Եվ արտահայտվում է դա ոչ միայն նրանով, որ հյուսիսային իրանական օստանից «փոխառվել է» այդ երկրի անեքսիոնիստական անվանումը: Խորհրդային տարիներին Ադրբեջանը Իրանի դեմ ստալինիզմի պայքարի առաջին գծում էր, իսկ սկսած 1991 թվականից Թեհրանը լուրջ խնդիրներ է ունեցել Բաքվի հետ: Դա եւ Կասպիի խնդիրն է, եւ նավթի տարանցման խնդիրը դեպի Եվրոպա, եւ անջատողականության անթաքույց հրահրումը Իրանում, եւ իրանալեզու թալիշների դաժան հետապնդումները եւ այլն: Օրերս Ադրբեջանի փոխարտգործնախարար Արազ Ազիմովը Վաշինգտոնում էր, որտեղ, ըստ Բաքվի մամուլի, նախնական պայմանավորվածություն է ձեռք բերվել հակաիրանական կոալիցիային միանալու վերաբերյալ: Շուտով Բաքու կժամանեն Պենտագոնի եւ Պետդեպարտամենտի պաշտոնական ներկայացուցիչները: Այնուամենայնիվ, ես այնքան էլ չեմ հավատում, որ Ադրբեջանն իր տարածքը կտրամադրի Իրանի դեմ հարձակման համար: Ինչո՞ւ: Այստեղ հակասություն չկա՞: Չէ որ դուք պնդում եք, որ Ադրբեջանն Իրանին թշնամաբար է տրամադրված: Իլհամ Ալիեւը շատ ավելի խելացի քաղաքական գործիչ դուրս եկավ, քան կարելի էր ենթադրել, դատելով նրա բուռն երիտասարդությունից հայրիկի թեւի ներքո: Ադրբեջանն այսօր անպարտելի խաղակություն է սկսել: Բաքուն ձգտում է ստեղծել մի իրավիճակ, որի ժամանակ հնարավորություն կստանա ցուցադրել իրեն որպես հաղթողի դաշնակից հնարավոր պատերազմում եւ «հաշիվ ներկայացնել նրան» մատուցած ծառայությունների համար: Բազա չտրամադրելով ԱՄՆ զինված ստորաբաժանումներին` Բաքուն միաժամանակ կհրահրի Իրանի թուրքալեզու բնակչությանը դուրս գալ հակակառավարական ելույթների: Թեեւ ամերիկայն հետախուղզական ռադիոլոկացիոն կայաններ Ադրբեջանում արդեն կան: Այդ թվում Իրանի հետ սահմանում: Պարտադիր չէ, որ մասնակցությունը հակաիրանական կոալիցիային ենթադրի ռազմակայանների տրամդրում դաշնակցին: Ոչ պակաս արդյունավետ կարող է լինել նաեւ զուտ քարոզչական գործունեությունը: Բաքվում հասկանում են, որ առանց Իրանի բազմամիլիոն թուրքալեզու բնակչության աջակցության, ամերիկացիները հաջողության չեն հասնի: Դա հասկանում են նաեւ Վաշինգտնում: ԱՄՆ Սենատում ունեցած ելույթում Ք.Ռայսը միանշանակորեն ակնարկեց Իրանի թուրքալեզու բնակչության օգտագործումը: « կան լծակներ, որոնք թույլ կտան սրել հակասություններն Իրանի ժողովրդի եւ նրան չներկայացնող ռեժիմի միջեւ»: Այդ պատճառով էլ, հաշվի առնելով Բաքվի ազդեցությունը Իրանի թուրքալեզու բնակչության վրա, շատ չեն նեղանում Ադրբեջանի կեղծ տղամարդկային դիրքորոշումից: Առավել եւս, որ վերջին իրադարձությունները Բաքվում լիովին համապատասխանում են Վաշինգտոնի ծրագրերին: Ես ի նկատի ունեմ հակաիրնական ելույթները աշխարհիր ադրբեջանցիների երկրորդ համագումարում, դեսպան Ա.Սուլեյմանիի բողոքների ցուցադրական անտեսումը Ադրբեջանի ԱԳՆ կողմից, միլի մեջլիսի մի շարք պատգամավորների Սուլեյմանիին «պերսոնա նոն գրատա» հայտարարելու պահանջները: Այդ համագումարին, ի դեպ, Իրանի ադրբեջանցիները չէին հրավիրվել: Բաքվի պաշտոնյաները դեռեւս մինչեւ համագումարի սկիզբը հայտարարեցին, թե Իրանի ադրբեջանցիները սփյուռք չեն: Դա ոչ այլ ինչ է, քան տարածքային հավակնությունների անթաքույց ներկայացում հարեւանին, քանի որ սփյուռք են նրանք, ովքեր բնակվում են հայրենիքից դուրս: Ստացվում է, որ Իրանի ադրբեջանցիները ապրում են Իրանի զավթած տարածքում, բայց իրենց հայրենիքում: Այսինքն «Հարավային» Ադրբեջանը ներկայացվում է որպես անդրկովկասցի թուրքերից խլված հայրենիքի մաս: Այս ակնհայտ զեղծարարությունը տարվում է պետական մակարդակով: Պաշտոնական Բաքվի նման դիրքորոշումից ոգեւորված` համագումարի շատ պատգամավորներ կոչ էին անում ուղերձ հղել ՄԱԿ-ին, նպատակ ունենալով «բաժանված» ժողովրդի կարգավիճակ ստանալ ադրբեջանցիների համար, կոչ անելով պայքարել «Հարավային» եւ «Հյուսիսային» Ադրբեջանների միավորման համար: Որոշ ադրբեջանցի լրագրողնե հասան նույնիսկ Իրանի պետության ժխտմանը: Եվ այնուամենայնիվ պետք չէ կարծել, թե Ադրբեջանը մեծ ազդեցություն ունի Իրանի թուրքալեզու բնակչության վրա: Սա Բաքվի քարոզչության հերթական բլեֆն է: Մյուս կողմից Իրանի զավթման ծրագրի տապալման դեպքում, Բաքուն կփորձի ապացուցել Թեհրանին թե իրենից որքան համարձակություն պահանջվեց ռազմակայանների տրամադրումից հրաժարվելու համար: Իսկ Իրանի թուրքալեզու բնակչությունը կպայքարի՞ Ամերիկայի կողմից: Միանշանակ պատասխան ես չունեմ: Սկսեմ նրանից, որ թուրքալեզու դեռեւս չի նշանակում թուրք: Իրանի հյուսիսը եղել է թուրքական երկարատեւ տիրապետության տակ, այնտեղ շատ են թուրքալեզու պարսիկները, հատկապես քաղաքների բնակչությունը: Բացի այդ, Իրանի հանդուրժողական ազգային քաղաքականությունը տվել է իր պտուղները, եւ այսօր Իրանում քաղաքացիությունն ու կրոնը շատ ավելի են կարեւորվում, քան շփման կենցաղային լեզուն: Իրանի բնակչության մեծ մասն իրեն իրանցի է համարում եւ շիա մահմեդական է: Այդ գործոնները մեծ միավորող ներուժ են: Մյուս կողմից, թուրքալեզու իրանցիների որոշ մասը հայտնվել է Թուրքիայի եւ Ադրբեջանի քարոզչության ազդեցության տակ: Կարծում եմ, ամերիկացիները հուսով են ստանալ նրանց աջակցությունը: Իսկ Իրանի պատասխան եւ անխուսափելի հետապնդումները կարող են ավելացնել նրանց քանակն, ով երազում է «Հարավային» եւ «Հյուսիսային» Ադրբեջանների միավորման մասին: Իր կողմից Թեհրանը պատերազմի շեմին կարող է զորքեր տեղակայել թուրքալեզու շրջաններում: Այս պարզ եւ անհրաժեշտ գործողությունը թույլ կտա Իրանին միանգամից երկու խնդիր լուծել` կանխել կամ կասեցնել թուրքալեզու բնակչության մի մասի հնարավոր դավաճանությունը եւ զրկել ամերիկացիներին ռազմական օպերատիվ գործողությունների ազատ կիրառումից: Ինչպե՞ս եք կարծում, ով կհաղթի, եթե պատերազմ սկսվի: Կտուժեն բոլորը, այդ թվում նաեւ Հայաստանը: Դա իսկական հումանիտար աղետ կլինի հսկայական մասշտաբների: Օգտվելով անվիճելի տեխնիկական գերազանցությունից` Ամերիկան ի վիճակի է ռմբակոծել Իրանի բոլոր կարեւոր տնտեսական օբյեկտները` էլեկտրակայնները, գործարանները, կամուրջները, նավահանգիստները, երկաթուղային կայարանները, քաղաքացիական եւ ռազմական օդանավակայանները:..Ես արդեն ասել եմ, որ կա Վաշինգտոնի եւ Բաքվի կողմից հրահրվող քաղաքացիական պատերազմի վտանգը: Հարեւան պետություններ կխուժեն փախստականների հսկայական հոսքեր, որոնց այդ երկրների տնտեսությունը ի վիճակի չի լինի ապահովել: Բացի այդ, իրանական հրթիռների հասանելիության շառավիղում գտնվող ԱՄՆ դաշնակիցները հավանաբար հարձակման կենթարկվեն Իրանի կողմից: Իսկ եթե Թեհրանին հաջողվի փակել Պարսից կամ Օմանի ծոցերը, ապա տնտեսական ճգնաժամի մեջ կհայտնվի Եվրոպան:Եվ այդ Ապոկալիպսիսի մեջ Իրանը կկործանվի՞: Չէի ասի: Իրանը հսկայական երկիր է, եւ իր մակերեսով եւ բնակչությամբ չորս անգամ գերազանցում է Իրաքը: Ամերիկան մինչ այժմ ոչ միայն դուրս չի եկել իրաքյան ճահճից, այլ նույնիսկ ամուր հենք չի գտել այնտեղ: Իրանի դեպքում Ամերիկան կբախվի շատ ավելի բազմամարդ, կազմակերպված եւ գաղափարակիր ժողովրդի հետ, որին նա ուղղակի չի կարողանա հաղթել: Նա կարող է ռմբակոծել Իրանը, իսկ օկուպացիայի ենթրակելու շանսեր չունի: Նման փորձը աղետ կդառնա ԱՄՆ համար: Շատ ավելի մեծ աղետ, քան Վյետնամում: Բացի այդ, Իրանի վրա հարձակվելու դեպքում կտրուկ կակտիվանա պարտիզանական շարժումը Իրաքում, որտեղ ամերիկացիները անխուսափելիորեն կբախվեն շիաների աճող հակազդեցությանը: Այնպես որ Սպիտակ տունը պետք է լավ մտածի պատրաստվող ագրեսիայի հետեւանքների առումով: Իսկ եթե ԱՄՆ-ն սահմանափակվի «տարածության վրա պատերազմով», առանց ներխուժման փորձերի, ապա կամրապնդի միջուկային զենք ունենալու Իրանի ցանկությունը: Երկրորդը` ԱՄՆ-ն իրեն կհակադրի ողջ աշխրահի իսլամական կազմակերպությունների կազմակերպված հզորությանը: Բացի այդ, կտրուկ կատիվանա արաբական գործոնը: Այսպես թե այնպես, պատերազմական գործողությունները կհասնեն նաեւ Ամերիկա: Հարձակումն Իրանի վրա կդառնա համաշխարհային գերտերության վերջի սկիզբը: Հոդվածներ. Քաղաքականություն | Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի Միրզոյանը Կատարի իր պաշտոնակցին է ներկայացրել Ադրբեջանի հետ հարաբերությունների կարգավորման զարգացումները Հատուկ ուշադրություն է դարձվել տարածաշրջանային փոխկապակցվածության հարցերին |