ՀԱՅԱՍՏԱՆԻ ՀԻՆԳ ՁԵՌՆԱՐԿՈՒԹՅՈՒՆ ԴԱՐՁԵԼ ԵՆ ՌՈՒՍԱՍՏԱՆԻ ՍԵՓԱԿԱՆՈՒԹՅՈՒՆԸ` ՊԵՏՊԱՐՏՔԻ ՄԱՐՄԱՆ ԴԻՄԱՑ 5 նոյեմբերի 2002 - 18:07 AMT PanARMENIAN.Net - Հայաստանի հինգ ձեռնարկության բաժնետոմսերը փոխանցվել են Ռուսաստանին որպես սեփականություն` Ռուսաստանին Հայաստանի պարտքի մարման դիմաց: Համապատասխան փաստաթղթերն ստորագրվել են այսօր Երեւանում միջկառավարական բանակցությունների արդյունքում` հայ-ռուսաստանյան տնտեսական համագործակցության հանձնաժողովի համանախագահ, Հայաստանի պաշտպանության նախարար Սերժ Սարգսյանի եւ այդ հանձնաժողովի ռուսաստանյան համանախագահ, ՌԴ արդյունաբերության եւ գիտության նախարար Իլյա Կլեբանովի միջեւ: Ռուսաստանին որպես սեփականություն են փոխանցվել «Մարս», «Երեւանի նյութագիտության գիտահետազոտական ինստիտուտ», «Երեւանի մաթեմատիկական մեքենաների գիտահետազոտական ինստիտուտ», «Երեւանի ավտոմատացված համակարգերի ղեկավարման գիտահետազոտական ինստիտուտ» ՓԲԸ-ները, ինչպես նաեւ Հրազդանի ջերմաէլեկտրակայանի գույքային համալիրը: Այս ամենով հանդերձ Հայաստանը լիովին մարել է Ռուսաստանին իր պարտքը, որը կազմում է 101 մլն դոլար, հայտարարել է Երեւանում պաշտոնական այցով գտնվող ՌԴ վարչապետ Միխայիլ Կասյանովը: Ըստ նրա` սեփականության փոխանցումը շահավետ է եւ Հայաստանի եւ Ռուսաստանի համար, որը հանձն է առել ապահովել իրեն փոխանցված ձեռնարկությունների լրիվ գործունեությունը: Այսօր Հայաստանի եւ Ռուսաստանի բնապահպանման նախարարությունների միջեւ ստորագրվել է նաեւ համաձայնագիր` ջրային ռեսուրսների եւ ընդերքի օգտագործման բնագավառում համագործակցության մասին: Երկու երկրների կառավարությունների միջեւ ստորագրվել է նաեւ համաձայնագիր` գաղտնի տեղեկատվության փոխադարձ պաշտպանության մասին: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում Պարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |