Հայաստանի իշխանությունների կողմից սկզբունքային զիջումներ Ղարաբաղի հարցում չեն լինի16 հուլիսի 2008 - 14:44 AMT PanARMENIAN.Net - Մոտ ապագայում ղարաբաղյան հակամարտության կարգավորումը չի նշմարում: Այդ մասին, պատասխանելով PanARMENIAN.Net ի թղթակցի հարցերին, Երեւանում կայացած մամլո ասուլիսում հայտարարել է ԱՊՀ երկրների ինստիտուտի Կովկասի բաժնի ղեկավար Միխաիլ Ալեքսանդրովը: Նրա խոսքերով, Հայաստանի իշխանությունների կողմից սկզբունքային զիջումներ Ղարաբաղի հարցում չեն լինի: «Հայ ժողովուրդը պետք է ընտելանա նրան, որ ղարաբաղյան հակամարտությունը դեռ տեւական ժամանակ կմնա այս վիճակում: Աշխարհում այժմ գլոբալ գործընթացներ են գնում, կապված տնտեսական ճգնաժամի հետ, որի հետեւանքով հնարավոր է, որ ԱՄՆ-ն գնա Իրաքից եւ ՆԱՏՕ-ն փլուզվի: Բոլոր այդ փոփոխությունները կհանգեցնեն տարածաշրջանում աշխարհաքաղաքական իրավիճակի փոփոխմանը»,-նշել է ռուս փորձագետը: Ինչ վերաբերում է բանակցությունների ձեւաչափի փոփոխմանը, այսինքն ԵԱՀԿ Մինսկի խմբի փոխարինմանը, ապա Ալեքսանդրովը կարծում է, որ ոչ ոք, պաշտոնական Բաքվից բացի, չի ցանկանում, որ ձեւաչափը փոխվի: «ԵԱՀԿ ՄԽ-ն ձեւավորված ֆորմատ է: Ասենք, մեկ այլ խումբ լինի կամ հարցի կարգավորումը տեղափոխվի այլ ատյան` դրանից ոչինչ չի փոխվի»,-ընդգծել է նա: Մ.Ալեքսանդրովը նշել է նաեւ, որ, հավանաբար, Իլհամ Ալիեւը «չափազանց նյարդայնացած էր» Սերժ Սարգսյանի հաղթանակով 2008թ. փետրվարին Հայաստանում կայացած նախագահական ընտրությունների արդյունքում: «Ակնհայտորեն Ալիեւն Արեւմուտքից ինչ-որ ավանսներ էր ստացել, որ եթե ընտրություններում հաղթի Լեւոն Տեր-Պետրոսյանը, ապա ղարաբաղյան հարցը կլուծվի ի օգուտ Ադրբեջանի: Սակայն, ինչպես տեսնում եք, դա տեղի չունեցավ, եւ դա շատ լավ է»,-ասել է Միխաիլ Ալեքսանդրովը: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |