Ստամբուլում կայացած համաժողովին ադրբեջանցիները Հայաստանի հետ հարաբերությունների ցանկացած քննարկում վեճի էին վերածում22 հունվարի 2009 - 19:02 AMT PanARMENIAN.Net - Հունվարի 17-18 Ստամբուլում կայացել է «Հարավային Կովկասի եւ նրա հարեւանների ապագան» միջազգային համաժողովը, որին մասնակցում էին փորձագետներ Հայաստանից, Թուրքիայից, Ադրբեջանից, Ռուսաստանից, Վրաստանից, Մոլդովայից, Ուկրաինայից, Ղրղզստանից: Ինչպես PanARMENIAN.Net ի թղթակցի հետ զրույցում հայտնել է Մարդկային զարգացման միջազգային կենտրոնի (International Center for Human Development) գործադիր տնօրեն Թեւան Պողոսյանը, որը մասնակցում էր համաժողովի աշխատանքներին, դրա նախաձեռնողները Բրիտանական Խորհուրդն ու Ջոն Սմիթի Հիշատակի Ֆոնդն էին:«Համաժողովին ներկա էին Ջոն Սմիթի ծրագրի մասնակիցները. այդ ծրագիրը նախկին Խորհրդային Միության երկրների երիտասարդներին օգնում է գործնականորեն ծանոթանալ զարգացած ժողովրդավարական հասարակությունում ժողովրդավարական կազմակերպությունների աշխատանքին եւ դերին»,- նշել է Թեւան Պողոսյանը: Նրա խոսքով, համաժողովի ընթացքում քննարկվել են միջէթնիկական հակամարտություններ, մասնավորապես, Լեռնային Ղարաբաղի հակամարտությունը, ռուս-վրացական հարաբերությունները Եվրոպայի անվտանգության ենթատեքստում, ռուս-ուկրաինական հարաբերությունները, Կովկասում համագործակցության եւ անվտանգության պլատֆորմի ստեղծման թուրքական նախաձեռնությունը եւ այլ տարածաշրջանային հարցեր: «Ցավոք, «Հայ-ադրբեջանական հարաբերությունները ղարաբաղյան հակամարտությունից դուրս» քննարկման ընթացքում Ադրբեջանից ժամանած մասնակիցները քննարկումը վեճի վերածեցին` շոշափելով միայն ղարաբաղյան հակամարտությունը եւ հայկական կողմին մեղադրելով ադրբեջանական հողերի օկուպացման մեջ: Բնականաբար, մենք պատասխան էինք տալիս նրանց մեղադրանքներին, եւ քննարկումից հետո հայ մասնակիցների հասցեին գովասանքի խոսքեր հնչեցին»,- ընդգծել է փորձագետը` ավելացնելով, որ համաժողովի գլխավոր միտքը քաղաքացիական հասարակության երիտասարդ ներկայացուցիչների կողմից հակամարտությունների խաղաղ լուծման, կողմերի միջեւ երկխոսության հաստատման գաղափարների խրախուսումն է: Պողոսյանի խոսքով, համաժողովի ընթացքում մասնակիցները շոշափեցին նաեւ հայ-թուրքական հարաբերությունները: «Թուրք մասնակիցները մի անգամ չէ, որ ասել են, որ Հայաստանն ու Թուրքիան մոտ են խնդիրների լուծմանը եւ նորմալ հարաբերությունների հաստատմանը: Դրա հետ մեկտեղ նրանք ընդգծում էին, որ կողմերը դեռեւս հսկայական աշխատանք ունեն կատարելու: Իմ կարծիքով, Թուրքիայի մասնակիցները ընկճված էին ադրբեջանցի մասնակիցների ներկայությամբ: Հայ-թուրքական հարաբերությունների վերաբերյալ իրենց ելույթներում նրանք ընդգծում էին ղարաբաղյան հակամարտության լուծման կարեւորությունը, իսկ ելույթներից հետո ավելի մեղմ դիրքորոշում էին ցուցաբերում»,- ասել է հայ փորձագետը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ղազախստանի ԱԳՆ․ Միջնորդության մասին խոսք չկա՝ բանակցելու են բացառապես ՀՀ-ն ու Ադրբեջանը «Մենք լոկ բարի կամքի ծառայություն ենք տրամադրում՝ այսպես կոչված good offices»,– ասել է նա Օդի ջերմաստիճանն մայիսի 2–ից կնվազի 7-10 աստիճանով Քամին՝ հարավարևելյան՝ 2-5մ/վ, ամպրոպի ժամանակ սպասվում է քամու ուժգնացում Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը |