Ամենայն Հայոց Կաթողիկոսը շնորհավորել է միտրոպոլիտ Կիրիլին Մոսկվայի եւ Ամենայն Ռուսիո 16-րդ Պատրիարք ընտրվելու առթիվ28 հունվարի 2009 - 20:19 AMT PanARMENIAN.Net - Ամենայն Հայոց Կաթողիկոս Գարեգին II-ը շնորհավորել է Սմոլենսկի եւ Կալինինգրադի միտրոպոլիտ Կիրիլին Մոսկվայի եւ Ամենայն Ռուսիո 16-րդ Պատրիարք ընտրվելու առթիվ: Ինչպես PanARMENIAN.Net ին հաղորդել է Մայր աթոռ Սուրբ Էջմիածնի առաջնորդարանի մամլո ծառայության ղեկավար Վահրամ Մելիքյանը, ուղերձում, մասնավորապես, ասվում է. «Մենք շատ ուրախ ենք, որ Աստծո կամոք մեր քույր-եկեղեցի Ռուս Ուղղափառ Եկեղեցին (ՌՈՒԵ) ընտրեց իր 16-րդ առաջնորդին: Դուք, զբաղեցնելով բարձր պաշտոններ եւ զարգացնելով լուրջ հոգեւոր ու հասարակական գործունեություն, արժանացել եք միլիոնավոր հավատացյալների սիրուն եւ հարգանքին ինչպես Ռուսաստանում, այնպես էլ նրա սահմաններից դուրս»: Ուղերձում Վեհափառը վստահություն է հայտնել, որ Հայ Առաքելական Եկեղեցին եւ Ռուս Ուղղափառ Եկեղեցին կշարունակեն սերտ համագործակցությունն ու դարավոր բարեկամությունը ի բարօրություն Հայաստանի եւ Ռուսաստանի եկեղեցիների եւ ժողովուրդների:ՌՈՒԵ Համաժողովը Մոսկվայի եւ Ամենայն Ռուսիո 16-րդ Պատրիարք է ընտրել Սմոլենսկի եւ Կալինինգրադի միտրոպոլիտ Կիրիլին: Համաժողովի 702 պատվիրակներից նրա օգտին են քվեարկել 508-ը: Նրա մրցակցի` Կալուգայի եւ Բորովի միտրոպոլիտ Կլիմենտին իրենց ձայնն են տվել 169 պատվիրակ: Նոր Պատրիարքի ձեռնադրումը տեղի կունենա փետրվարի 1-ին: Ամենայն Հայոց Կաթողիկոսը ներկա չի լինելու արարողությանը, քանի որ հովվական այցով գտնվում է ԱՄՆ-ում: Նրա փոխարեն ՀԱԵ ներկայացնելու է Սբ. Էջմիածնի առաջնորդարանի արտաքին հարաբերությունների ղեկավար, արքեպիսկոպոս Եզնիկ Պետրոսյանը: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում Պարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |