Սեյրան Օհանյան. «Ես ուզում եմ, որ մեր հաղթանակները շարունակվեն» 3 մայիսի 2010 - 17:31 AMT PanARMENIAN.Net - Մայիսի 3-ին Հայաստանի Կոտայքի մարզի Մրգաշեն գյուղի դպրոցում տեղի է ունեցել ռազմահայրենասիրական միջոցառում` «Ուժեղ ոգի և միշտ պատրաստ» խորագրով, որը նվիրված էր մայիսյան տոներին: Միջոցառմանը ներկա էր նաև Հայաստանի պաշտպանության նախարար Սեյրան Օհանյանը, ով այդ դպրոցում է սովորել: Սեյրան Օհանյանը նախ` ողջունել է միջոցառման մասնակիցներին և գոհունակություն է հայտնել, որ ժամանակակից սերունդը հիշում է նախնիների նվաճումների մասին, որոնք մեծ ներդրում են ունեցել և’ Հայրենական մեծ պատերազմի, և’ Արցախի ազատագրական պայքարի տարիներին: «Այն ամենն, ինչին մենք հասել ենք արցախյան պատերազմի տարիներին, պետք է պահպանել և փոխանցել եկող սերնդին: Ես ուզում եմ, որ մեր հաղթանակները շարունակվեն: Մենք առանձնահատուկ ուշադրություն պետք է դարձնենք նոր սերնդի ռազմահայրենասիրական դաստիարակության խնդրին, քանի որ այդ սերունդն արդեն երկրում մեծ ուժ է ներկայացնում», - ասել է ՀՀ Պն նախարարը: Միջոցառման ավարտին Սեյրան Օհանյանը Հայրենական մեծ պատերազմի 65-ամյակի առթիվ հոբելյանական շքանշան հանձնեց վետերան Ասիլբեկ Գասպարյանին, իսկ Ղարաբաղյան պատերազմի 10 վետերանների հանձնեց պաշտպանության նախարարության հուշամեդալ: Պաշտպանության նախարարը նաև բաց դաս է անցկացրել, որի ընթացքում աշակերտներին պատմել է անկախության տարիներին հայկական բանակի կազմավորման և այն խնդիրների մասին, որոնք ներկայում կանգնած են զինված ուժերի առջև: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |