Արթուր Բաղդասարյան. Հայաստան-Եվրամիություն քաղաքական համագործակցությունն արդյունավետ զարգանում է22 հոկտեմբերի 2010 - 20:45 AMT PanARMENIAN.Net - Հոկտեմբերի 22-ին կայացել է Եվրոպական կառույցների հետ Հայաստանի պետական մարմինների համագործակցությունը համակարգող միջգերատեսչական հանձնաժողովի նիստը, որը վարել է հանձնաժողովի նախագահ, ՀՀ Ազգային անվտանգության խորհրդի քարտուղար Արթուր Բաղդասարյանը: «Հայաստան-Եվրամիություն քաղաքական համագործակցությունն արդյունավետ զարգանում է, կարող ենք արձանագրել, որ ՀՀ-ԵՄ հարաբերություններում էական առաջընթաց ունենք, 2009-2011 թվականների ծրագիրն իրականացվում է ըստ սահմանված ժամանակացույցի»,-փաստել է Արթուր Բաղդասարյանը` կարևորելով ԵՄ-ի հետ Հայաստանի քաղաքական համագործակցության հետագա խորացումը, ասոցացման համաձայնագրի շուրջ բանակցությունների հաջող ընթացքը, ազատ առևտրի համաձայնագրի կնքումը, որը հնարավորություն կտա առավել արդյունավետ զարգացնել ՀՀ-ԵՄ տնտեսական հարաբերությունները, ինչպես նաև` արդարադատության, ազատության և անվտանգության հարցերով ենթակոմիտեի շրջանակում համագործակցության խորացումը: «Մենք կարողացանք ԵՄ-ի հետ համագործակցության շրջանակում Հայաստանում հիմնադրել դիվանագիտական ակադեմիա, ինչը լուրջ ձեռքբերում է: Գալիք տարի թերևս կունենանք նաև արդարադատության ակադեմիա, և դա հնարավորություն կտա առավել արդյունավետ լուծել իրավապահ ոլորտում կադրերի պատրաստման և վերապատրաստման խնդիրները»,-ասել է Արթուր Բաղդասարյանը: Հայաստան-Եվրամիություն ասոցացման համաձայնագրի շուրջ տարվող բանակցությունների ընթացքը ներկայացրել է արտաքին գործերի փոխնախարար Կարինե Ղազինյանը: ՀՀ-ԵՄ ասոցացման համաձայնագրի բանակցությունների թիմն արդեն երկու լիագումար նիստ է գումարել, տեղի են ունեցել տեսակոնֆերանսներ: Քննարկվել են համաձայնագրի հիմնական նպատակներին, ընդհանուր սկզբունքներին, քաղաքական երկխոսությանը և բարեփոխումներին, արտաքին և անվտանգության քաղաքականության ոլորտներում համագործակցությանը վերաբերող հարցեր: Արդարադատության նախարարի տեղակալ Նիկոլայ Ատուստամյանը ներկայացրել է արդարադատության, ազատության և անվտանգության հացերին վերաբերող քննարկումների արդյունքները: Նիստում ամփոփվել է Եվրոպական հարևանության քաղաքականության ՀՀ-ԵՄ գործողությունների ծրագրի կատարումն ապահովող միջոցառումների ցանկի 2010 թվականի երրորդ եռամսյակի գործողությունների կատարողականը: Հանձնաժողովի անդամները ներկայացրել են բոլոր ուղղություններով կատարված աշխատանքները, հաղորդում է ՀՀ Ազգային անվտանգության խորհրդի քարտուղարի մամլո գրասենյակը: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում Պարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |