Պայմանագրային սերժանտ Սահակ Մալաքյանի (ծնվել է 1994-ին, Վանաձորում) համար պատերազմը սկսվել է, երբ իր հանգստի ժամին քնած էր Թալիշ գյուղում: Հրետակոծության ձայներից է արթնացել, հասել գումարտակ, որի հետ դուրս է եկել պաշտպանության, հետ մղել արդեն գյուղ մտնող հակառակորդին: Նույն՝ ապրիլի 2-ի գիշերը և 3-ին մասնակցել է Արցախի հյուսիսում մեր զիջած երկու մարտական դիրքը հետ բերելու գործողություններին:

Արցախի հյուսիսում՝ Թալիշի ուղղությամբ մարտական դիրքերից մեկում ապրիլի սկզբից մինչև այսօր ամուր կանգնած մեր զինվորներից մեկին շատերը հաստատ նկատել են: Հերոսների պարգևատրման արարողությունից հետո ՀՀ նախագահի հետ լուսանկարում հենց նրա առջև փոքրամարմին զինվորին տեսնելով մտածե՞լ եք՝ ինչպես է վաստակել իր «Մարտական խաչ» երկրորդ աստիճանի շքանշանը:

Արցախի հյուսիսում՝ Թալիշի ուղղությամբ Ադրբեջանի նախահարձակ ռազմական գործողությունները ճնշելիս հակառակորդի 3 տանկ խոցած ու օրեր առաջ ՀՀ նախագահի կողմից Մարտական խաչ երկրորդ աստիճանի շքանշանով պարգևատրված Շուլի Հակոբյանն արդեն մարտական հենակետ է վերադարձել: Այդտեղ էլ PanARMENIAN.Net-ը հանդիպել և զրուցել է նրա հետ: Մարտկոցի ավագ՝ սերժանտ Հակոբյանը 1996-ին է ծնվել, Գյումրիում, ԵՊՀ-ում տնտեսագիտություն է սովորում:

Ղարաբաղա-ադրբեջանական շփման գծի ուղղությամբ հակառակորդի 5 տանկ և 1 ՀՄՄ խոցած Մարատ Պետրոսյանը ժամկետային զինծառայող է, 1996-ին է ծնվել, Ստեփանակերտում: Սանդա-ուշու մարզաձևում Եվրոպայի չեմպիոն է, բազմաթիվ այլ մրցաշարերի հաղթող: Նրա հայրը` Ալբերտ Պետրոսյանը, Արցախյան ազատամարտի մասնակից է, մարտական ուղին սկսել է 9-րդ դպրոցի ջոկատից, եղել Մարտակերտի հետախուզական ջոկատի փոխհրամանատարը: PanARMENIAN.Net-ն Արցախում զրուցել է հոր ու որդու հետ:

Սեպտեմբերի 2-ին Արցախում կբացվի 4-րդ Թումո կենտրոնը, որը հասանելի կլինի 500-ից 1000 ուսանողի համար: Նրանցից յուրաքանչյուրը Թումո կհաճախի շաբաթական 2 օր և կսովորի կենտրոնի 4 հիմնական ոլորտի՝ անիմացիայի, ֆիլմերի ստեղծման, կայքերի մշակման և խաղերի ստեղծման հիմունքները: Ի դեպ, դեռ մայիսի վերջին Գյումրիում բացված 3-րդ կենտրոնում արդեն 1000-ից ավելի գրանցված ուսանող կա, չնայած ակնկալվող թիվը 500-600 էր: Թե Գյումրիի, թե Ստեփանակերտի կենտրոնները բացվել են Սիմոնյան կրթական հիմնադրամի և Հայկական ընդհանուր բարեգործական միության գործակցությամբ: 4-րդ Թումոյի պաշտոնական բացմանն ընդառաջ PanARMENIAN.Net-ը զրուցել է Սիմոնյան կրթական հիմնադրամի և կենտրոնի գործադիր տնօրեն Մարի Լու Փափազյանի հետ, ով պատմել է ծրագրերի, նորությունների ու շրջանավարտների հաջողությունների մասին:

Լեռնային Ղարաբաղի Հանրապետությունում օգոստոս-սեպտեմբերին երիտասարդների համար կկազմակերպվի «Արցախ. Ապագայի կերպարները» գրական մրցույթը: Այն նվիրվում է PanARMENIAN.Net-ի մեկնաբան Կարինե Տեր-Սահակյանի հիշատակին, որը կյանքից հեռացավ մեկ տարի առաջ: Մրցույթի նախաձեռնող Ռուս-հայկական գործակցության փորձագետ, հրապարակախոս Դենիս Դվորնիկովը պատմել է այս նախագծի մանրամասների, խնդիրների ու նպատակների մասին:

Ցեղասպանության 100-րդ տարելիցի միջոցառումների շրջանակում Հայաստանում էր դանիացի ֆոտոլրագրող Յան Գրարուփը: Նա բացեց «Ընդդեմ ցեղասպանության հանցագործության» գլոբալ ֆորումը: Դրա շրջանակում կազմակերպված ցուցադրությունն ընդգրկում էր նաև Գրարուփի աշխատանքները՝ արված Ռուանդայի ցեղասպանության, Իրաք-Քուվեյթյան պատերազմի, Սարաևոյի պաշարման տարիներին:

Հունվարի կեսին տեղի ունեցավ «Ցեղասպանության մեկ դար. Բաքվի սև հունվարը» վավերագրական ֆիլմի առաջին ցուցադրությունը՝ նվիրված Բաքվում հայերի ջարդերի 25-րդ տարելիցին: Ֆիլմը հիմնված է այժմ ԱՄՆ-ում բնակվող բաքվեցի հայ փախստականների վկայությունների վրա: Ընդհանուր առմամբ 2 շաբաթում շուրջ 50 հարցազրույց է ձայնագրվել, որոնց մի մասն ընդգրկվել է ֆիլմում: Ամբողջ ծավալով այդ վկայությունները կընդգրկվեն ժողովածուում, որը լույս կտեսնի ընթացիկ տարվա սեպտեմբերին: Ֆիլմը նկարահանվել է «Սովորական Ցեղասպանություն» նախագծի շրջանակում, որի հեղինակ, «Գոլոս Արմենիի» գլխավոր խմբագրի տեղակալ Մարինա Գրիգորյանը պատմել է PanARMENIAN.Net-ին նախագծի, ֆիլմի վրա աշխատանքի և թեմայի առանձնահատկությունների մասին:

Մանվել Մարգարյանին Խոր Վիրապում բոլորն են ճանաչում, Հայաստանում էլ շատերը գիտեն նրա մասին: Պատճառը տեսանելի է՝ նրա երկար բեղերն են, որոնք հեռվից արդեն երևում են: Վանքի այցելուները, որոնց թվում նաև բազմաթիվ զբոսաշրջիկներ են լինում, նրան հաճախ են լուսանկարում, ինչի արդյունքում էլ Մանվելի լուսանկարները նաև արտերկրում են հայտնվել: PAN Photo-ն լուսանկարել է Խոր Վիրապի պահակին, իսկ PAN-ը պարզել նրա հայտնի բեղերի պատմությունը, ինչպես նաև իմացել, թե երբ ու ինչպես հայտնվեց վանքում:

Մոսկվայաբնակ հայ հրուշակագործ Վերա Հովհաննիսյանը, որը ներկայացնում էր Հայաստանը Լյուքսեմբուրգում կայացած «Խոհարարների աշխարհի գավաթ» միջազգային մրցույթում, առաջին տեղով ու գավաթով է վերադարձել: Կարամելից աչքերով ու ամբողջությամբ շաքարից պատրաստված «Երեք հրացանակակիրների» համար նա 100 միավոր է վաստակել` 100 հնարավորից: Ինչպես ինքն է խոստովանում՝ բացի այն, որ քաղցրից անհավատալի քանդակներ է անում, նաև քաղցրակեր է: PanARMENIAN.Net-ը զրուցել է հրուշակագործի հետ ու պարզել, թե ինչպես է պատրաստվել մրցույթին, ինչպես նաև հետագա պլաններն ու անելիքները, իսկ PAN Photo-ն լուսանկարել նրան: