Ի՞նչն է դրել ոստիկանության կապիտանին դիմել ավազակային հարձակման 1 ապրիլի 2011 - 18:06 AMT PanARMENIAN.Net - ՀՀ հատուկ քննչական ծառայության վարույթում քննվող քրեական գործով՝ ՀՀ ոստիկանության Երևան քաղաքի վարչության Նոր Նորքի բաժնին կից պետական պահպանության վարչության պահպանության բաժնի պետ, ոստիկանության կապիտան Արթուր Սամվելի Հակոբյանին ՀՀ քր. օր-ի175-րդ հոդվածի 3-րդ մասի 1–ին կետով մեղադրանք է առաջադրվել այն բանի համար, որ նա 2011թ. մարտի 29-ին՝ ժամը 12–ի սահմաններում, զինված ատրճանակով, դեմքը քողարկված, ապօրինի մուտք է գործել «Կոնվերսբանկ» ՓԲԸ–ի Նոր Նորք մասնաճյուղի գանձապահների համար նախատեսված հատվածը և ատրճանակի գործադրման սպառնալիքով ավազակային հարձակում կատարել բանկի աշխատակիցների նկատմամբ, գանձապահի պահարանից հափշտակել առանձնապես խոշոր չափերի գումար և փորձել է դիմել փախուստի,սակայն բանկի մասնաճյուղում ծառայություն իրականացնող ոստիկան, ոստիկանության ավագ սերժանտ Միքայել Հովսեփյանը հանցագործությունը կանխելու և հանցագործին վնասազերծելու նպատակով իրեն ամրացված «Մակարով» տեսակի ատրճանակից մի քանի անգամ կրակել է Արթուր Հակոբյանի ազդրի և որովայնի շրջանին, որի արդյունքում վերջինս բռնվել ու տեղափոխվել է հիվանդանոց։ 2011թ. մարտի 31-ին Արթուր Սամվելի Հակոբյանի նկատմամբ որպես խափանման միջոց կիրառվել է կալանավորումը։ Ինչպես հայտնում է ՀՔԾ–ի մամուլի ծառայությունը, գործով նշանակվել են տարբեր բնույթի փորձաքննություններ, ստուգվում են քննությամբ առաջ քաշված վարկածներ՝ հանցագործության կատարման շարժառիթների և հանցագործության կատարմանն այլ անձանց հնարավոր մասնակցությունը պարզելու ուղղությամբ: Նախաքննությունը շարունակվում է։ Ուշագրավ
Խորհուրդը կոչ է արել ՀՀ իշխանություններին զերծ մնալ բռնությունից, ատելություն և թշնամանք սերմանելու դրսևորումներից «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Ամենաընթերցվողը բաժնում | ՀԱԿ. Փաշինյանն իր «կղերաֆեոդալական վարկածով» փորձում է կոծկել իր պատասխանատվությունը Նշվում է, որ 1996-ին ԵԱՀԿ-ն ԼՂ հարցով միջազգային իրավունքի տեսակետից պարտադիր կիրառման ուժ ունեցող որևէ որոշում չի ընդունել ԱԽ քարտուղարը կմասնակցի Ուկրաինայի հարցով գագաթնաժողովին Նա կմեկնի Շվեյցարիա, հետո՝ Ֆրանսիա Կառավարությունը հավանություն է տվել ԵԱՏՄ–Իրան ազատ առևտրի մասին համաձայնագրի վավերացմանը Իրանական կողմն առաջին անգամ ամրագրում է ներմուծման մաքսատուրքերի զրոյականացման պարտավորություններ Վարդանյանը Բաքվի բանտում ենթարկվել է խոշտանգման․ Փաստաբանները դիմել են ՄԱԿ-ի Խոշտանգումների դեմ կոմիտե Նրան ստիպել են երկար ժամանակ ոտքի վրա կանգնած մնալ և ավելի քան երկու օր զրկել են խմելու ջրից |