Հայաստանի կառավարությունում քննարկվել են կանանց դերի բարձրացմանն առնչվող հարցեր 6 ապրիլի 2011 - 20:53 AMT PanARMENIAN.Net - Ապրիլի 6-ին Հայաստանի կառավարությունում տեղի է ունեցել վարչապետին կից կանանց հարցերով խորհրդի նիստ, որը վարել է վարչապետ, խորհրդի նախագահ Տիգրան Սարգսյանը։ Մինչ օրակարգի հարցերին անդրադառնալը կառավարության ղեկավարը շնորհավորել է խորհրդի կին անդամներին: Օրակարգի առաջին հարցով խորհրդի անդամներին է ներկայացվել «ՀՀ գենդերային քաղաքականության 2011-2015թթ. ռազմավարական ծրագիրը և ՀՀ գենդերային քաղաքականության 2011թ. միջոցառումների տարեկան ծրագիրը հաստատելու մասին» կառավարության արձանագրային որոշման նախագիծը: Զեկուցվել է, որ նախագծում ներառվել են ինչպես հրատապ, այնպես էլ հեռանկարային խնդիրներ, որոնք վերհանում են կանանց դերին առնչվող հարցեր՝ հնարավորություն ընձեռելով ամրապնդելու կնոջ դերը երկրի հասարակական-քաղաքական կյանքում։ Նիստում քննարկվել է նաև «Կանանց և տղամարդկանց հավասար իրավունքների ու հավասար հնարավորությունների ապահովման մասին» ՀՀ օրենքի նախագիծը: Նախագծով առաջարկվում է մեծացնել կանանց ներգրավվածությունը պետական կառավարման և տեղական ինքնակառավարման, ինչպես նաև օրենսդիր մարմիններում: Վարչապետը հանձնարարել է հիշյալ օրենքի նախագիծը ներկայացնել կառավարության քննարկմանը: Խոսելով գենդերային հավասարության մասին` Տիգրան Սարգսյանը կարևորել է կանանց դերի բարձրացումը հասարակական-քաղաքական կյանքում որպես քաղաքակիրթ հասարակության ձևավորման և առաջընթացի անհրաժեշտ նախապայման: Մեկ այլ հարցով ներկայացվել են խորհրդի աշխատանքային խմբերի 2011թ. ծրագրերը: Խորհրդի սոցիալ-տնտեսական հարցերի և առողջապահության աշխատանքային խմբի նոր ղեկավար է նշանակվել ՀՀ աշխատանքի և սոցիալական հարցերի նախարարության աշխատակազմի ընտանիքի կանանց և երեխաների հիմնահարցերի վարչության պետ Լալա Ղազարյանը, հաղորդում է ՀՀ կառավարության մամլո ծառայությունը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |