Հայաստանի փոխվարչապետն ու ԵՄ պատվիրակության ղեկավարը քննարկել են երկրում սպասվող մարդահամարը 3 մայիսի 2011 - 16:18 AMT PanARMENIAN.Net - ՀՀ փոխվարչապետ, տարածքային կառավարման նախարար, Մարդահամարի կազմակերպման եւ անցկացման համապետական հանձնաժողովի նախագահ Ա.Գեւորգյանը մայիսի 3-ին ընդունեց ՀՀ-ում Եվրոպական միության մշտական պատվիրակության ղեկավար, դեսպան Ռաուլ Լուցենբերգերին: Հանդիպմանը ներկա էր նաեւ ՀՀ ազգային վիճակագրական ծառայության պետ Ստեփան Մնացականյանը: Կողմերը քննարկեցին Հայատանում մարդահամարի անցկացման աշխատանքներին Եվրամիության աջակցության հնարավորությանը վերաբերող հարցեր: Փոխվարչապետը ներկայացրեց մարդահամարի նախապատրաստման եւ անցկացման աշխատանքները, տեղեկատվություն ներկայացրեց կատարված աշխատանքների, մասնավորապես` 2010 թ.-ի հոկտեմբերին անցկացված փորձնական մարդահամարի վերաբերյալ: Նշվեց նաեւ մարդահամարի համար անհրաժեշտ ֆինանսական ծավալների, ինչպես նաեւ այն ֆինանսական միջոցների մասին, որոնք ՀՀ կառավարությունն ակնկալում է ներգրավել դոնոր կազմակերպությունների, մասնավորապես` ԵՄ կառույցների եւ ԵՄ անդամ պետությունների միջոցով: Ա. Գեւորգյանը տեղեկացրեց, որ մարդահամարի կազմակերպման համար պետբյուջեից հատկացումները կկազմեն ընդհանուր գումարի 25 տոկոսը` նախորդ մարդահամարի 21 տոկոսի փոխարեն: Ֆինանսական այլ միջոցների ներգրավման համար ՀՀ կառավարությունն ակտիվ աշխատանքներ է տանում միջազգային եւ դոնոր կազմակերպությունների հետ: ՀՀ-ում Եվրոպական միության պատվիրակության ղեկավար Ռաուլ Լուցենբերգերը, կարեւորելով մարդահամարի անցկացումը եւ պատրաստակամություն հայտնեց աջակցել գործընթացին, ներկայացրեց Եվրամիության աջակցության հնարավոր տարբերակները: Ա. Գեւորգյանը շնորհակալություն հայտնելով մոտեցման համար` նշեց, որ ՀՀ կառավարությունն առաջիկայում կքննարկի հայկական կողմի համար համագործակցության առավել արդյունավետ տարբերակը` աշխատանքները ԵՄ-ի հետ շուտափույթ սկսելու նպատակով: Հանդիպման ընթացքում քննարկվեցին նաեւ տարածքային զարգացման բնագավառում ԵՄ-ի հետ համագործակցությանն առնչվող հարցեր: Փոխվարչապետը տեղեկացրեց, որ ԵՄ-ի հետ այս բնագավառում իրականացվող ծրագրերը հայկական կողմից համակարգելու է ՀՀ տարածքային կառավարման նախարարի առաջին տեղակալ Վ.Տերտերյանը: Միեւնույն ժամանակ Ա. Գեւորգյանը կարեւորեց ԵՄ-ի հետ համագործակցությունը` կարծիք հայտնելով, որ տարածքների համաչափ զարգացման բնագավառում ԵՄ-ի հետ համագործակցությունը Հայաստանի համար ունի ռազմավարական նշանակություն: Պայմանավորվածություն ձեռք բերվեց, որ առաջիկայում ՀՀ տարածքային կառավարման նախարարի առաջին տեղակալ Վ.Տերտերյանն աշխատանքային այցով կմեկնի Բրյուսել, որի ընթացքում նախատեսվում է քննարկել համատեղ իրականացվող ծրագրերի շրջանակը եւ համագործակցության ընդլայնման եւ խորացման հեռանկարները: Հանդիպման ընթացքում անդրադարձ եղավ Եվրոպական ռեգիոնների ասամբլեային Հայաստանի Հանրապետության, մասնավորապես` Տավուշի եւ Լոռու մարզերի անդամակցությանը: Կողմերը կարեւորեցին տարածքային իշխանությունների ուղիղ համագործակցության հնարավորությունը` նշելով, որ նման գործակցությունը զարգացման մեծ ներուժ ունի: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |